នាយករដ្ឋមន្ត្រីវៀតណាមបានចូលរួមកិច្ចប្រជុំកំពូលក្រៅផ្លូវការអាស៊ាន-EU (VOV)

        Vovworld-នាថ្ងៃទី១៦តុលានៅទីក្រុងមីឡាន-អ៊ីតាលីបានប្រព្រឹត្តទៅកិច្ច​ប្រជុំ
​កំពូលក្រៅផ្លូវការអាស៊ាន-EU។ នេះជាកិច្ចប្រជុំកំពូលដើមដំបូងរវាង​អាស៊ាន​និង
EU ដោយវៀតណាមនិង EU ធ្វើសហអធិបតី។ នាយករដ្ឋមន្ត្រីវៀត​ណាមលោក
Nguyen Tan Dung ដោយមានតួនាទីជាប្រទេសសម្រុះសម្រួល​ទំនាក់ទំនង​អាស៊ាន-
EU បានធ្វើសហអធិបតីកិច្ចប្រជុំរួមជាមួយប្រធានក្រុម​ប្រឹក្សា​អឺរ៉ុបលោក Herman
Van Rompuy និងប្រធានគណៈកម្មាធិការអឺរ៉ុបលោក Jose Manuel Barroso។

        នៅកិច្ចប្រជុំនេះភាគីទាំងពីរបានផ្លាស់ប្តូរអំពីស្ថានភាពដំបន់និង​ពិភពលោក
ដែលយកចិត្តទុកដាក់ដូចគ្នា ក្នុងនោះមានបញ្ហាសមុទ្រខាងកើត មជ្ឈឹម​បូពារនិង
អាហ្វ្រីកខាងជើង។

        ស្ដីពីស្ថានភាពនៅសមុទ្រខាងកើត ភាគីទាំងពីរបានសង្កត់ធ្ងន់ដល់សារៈ​
សំខាន់នៃការធានាសន្តិភាពស្ថិរភាពសុវត្ថិភាពនិងសន្តិសុខនាវាចរណ៍សេរីភាព
នាវាចរណ៍នៅសមុទ្រខាងកើត គោរពច្បាប់អន្តរជាតិ ពិសេសគឺអនុសញ្ញា​អង្គការ​
សហប្រជាជាតិស្ដីពីច្បាប់សមុទ្រឆ្នាំ១៩៨២ (UNCLOS) អនុវត្តយ៉ាង​ពេញ​លេញ
និងម៉ឺងមាត់សេចក្តីថ្លែងការណ៍ស្ដីពីការប្រតិបត្តិសំរាប់ភាគីនានា​នៅ​សមុទ្រខាង
កើត (DOC) និងឈានទៅទទួលបានក្រមប្រតិបត្តិដំបន់នៅសមុទ្រ​ខាង​កើត
(COC)។

        ស្ដីពីសេដ្ឋកិច្ច ភាគីទាំងពីរបានឯកភាពបន្តការចរចារលើកិច្ចព្រមព្រៀង
​ពាណិជ្ជកម្មសេរីអាស៊ាន-EU ក្រោយឆ្នាំ២០១៥ បង្កើនការតភ្ជាប់អំពី​អាកាសចរណ៍
​នាវាចរណ៍ផ្លូវគោកអភិវឌ្ឍន៍អង្គភាពអាជីវកម្មធុនមធ្យមនិងតូច៕