នាយករដ្ឋមន្ត្រីវៀតណាមលោក Pham Minh Chinh និងលោកជំទាវភរិយាអញ្ជើញទៅបំពេញទស្សនកិច្ចជាផ្លូវការនៅកូរ៉េខាងត្បូង
(VOVWORLD) - នាយករដ្ឋមន្ត្រីវៀតណាមលោក Pham Minh Chinh និងលោកជំទាវភរិយា Le Thi Bich Tran រួមជាមួយគណៈប្រតិភូវៀតណាម នាព្រឹកថ្ងៃទី៣០ ខែមិថុនា បានចាកចេញពីរដ្ឋធានីហាណូយ អញ្ជើញបំពេញដំណើរទស្សនកិច្ចផ្លូវការនៅកូរ៉េខាងត្បូង ចាប់ពីថ្ងៃទី៣០ មិថុនា ដល់ថ្ងៃទី៣ ខែកក្កដា តបតាមការអញ្ជើញរបស់នាយករដ្ឋមន្ត្រីនៃសាធារណរដ្ឋកូរ៉េលោក Han Duck-soo និងលោកជំទាវភរិយា Choi Ah-young ។
 នាយករដ្ឋមន្ត្រីវៀតណាមលោក Pham Minh Chinh និងលោកជំទាវភរិយាអញ្ជើញទៅបំពេញទស្សនកិច្ចជាផ្លូវការនៅកូរ៉េខាងត្បូង (រូបថត៖ VGP/Nhat Bac) |
នេះគឺជាដំណើរទស្សនកិច្ចផ្លូវការលើកដំបូងរបស់ថ្នាក់ដឹកនាំជាន់ខ្ពស់វៀតណាមទៅកាន់កូរ៉េខាងត្បូងចាប់តាំងពីពេលប្រទេសទាំងពីរបានតម្លើងទំនាក់ទំនងការទូតទៅជាដៃគូយុទ្ធសាស្ត្រលើគ្រប់ជ្រុងជ្រោយក្នុងឆ្នាំ ២០២២។ ទន្ទឹមនឹងនោះ នេះគឺជាដំណើរទស្សនកិច្ចលើកដំបូងរបស់លោកនាយករដ្ឋមន្ត្រីទៅកាន់កូរ៉េខាងត្បូងក្នុងរយៈពេល៥ឆ្នាំ ហើយក៏ជាដំណើរទស្សនកិច្ចលើកដំបូងរបស់លោកនាយករដ្ឋមន្ត្រី Pham Minh Chinh ចាប់តាំងពីឡើងកាន់តំណែងជាប្រមុខរដ្ឋាភិបាល (ឆ្នាំ២០២១)។
ដំណើរទស្សនកិច្ចនេះបានធ្វើឡើងក្នុងបរិបទដែលទំនាក់ទំនងវៀតណាម-កូរ៉េខាងត្បូងមានការអភិវឌ្ឍយ៉ាងល្អប្រសើរ ដោយប្រទេសទាំងពីរបានលើកកំពស់ទំនាក់ទំនងភាពជាដៃគូយុទ្ធសាស្ត្រលើគ្រប់ជ្រុងជ្រោយក្នុងឆ្នាំ ២០២២។ ការជឿទុកចិត្តផ្នែកនយោបាយរវាងប្រទេសទាំងពីរកាន់តែរឹងមាំ ហើយការផ្លាស់ប្តូរគណៈប្រតិភូជាន់ខ្ពស់ និងគ្រប់ជាន់ថ្នាក់ត្រូវបានអនុវត្តន៍ជាប្រចាំ។
ប្រទេសទាំងពីរបានសហការយ៉ាងជិតស្និទ្ធ និងគាំទ្រគ្នាទៅវិញទៅមកនៅវេទិកាតំបន់ និងអន្តរជាតិ៕