នាយករដ្ឋមន្ត្រីកម្បុជា សម្ដេចមហាបវរធិបតី ហ៊ុន ម៉ាណែត បានដឹកនាំគណៈប្រតិភូរាជរដ្ឋាភិបាលកម្ពុជា អញ្ជើញមកគោរពវិញ្ញាណក្ខន្ធអគ្គលេខាបក្សកុម្មុនីស្តវៀតណាម លោក Nguyen Phu Trong នៅស្ថានទូតវៀតណាមក្នុងរាជធានីភ្នំពេញ។ រូបថត៖ VOV ប្រចាំនៅកម្ពុជា

នៅថ្ងៃដដែល លោក ឃួង ស្រេង អភិបាលរាជធានី និងជាប្រធានគណបក្សប្រជាជនកម្ពុជានៅរាជធានីភ្នំពេញ អញ្ជើញមកគោរពវិញ្ញាណក្ខន្ធលោកអគ្គលេខាបក្ស Nguyen Phu Trong។ សរសេរសៀវភៅកាន់ទុក្ខ លោក ឃួង ស្រេង បានអះអាងថា លោកអគ្គលេខាបក្ស Nguyen Phu Trong គឺជាអ្នកដឹកនាំឆ្នើម មានចក្ខុវិស័យវែងឆ្ងាយ និងការប្តេជ្ញាចិត្តយ៉ាងមុតមាំក្នុងការពង្រឹងនិងជំរុញការអភិវឌ្ឍន៍សេដ្ឋកិច្ចសង្គម និងធ្វើទំនើបកម្មប្រព័ន្ធនយោបាយ។ លោកគឺជាអ្នកប្រាជ្ញដ៏ខ្ពង់ខ្ពស់ ដែលមានតួនាទីយ៉ាងសំខាន់ក្នុងការជំរុញទំនាក់ទំនងទ្វេភាគីរវាងគណបក្សប្រជាជនកម្ពុជា និងបក្សកុម្មុយនិស្តវៀតណាម ជាពិសេសទំនាក់ទំនងដ៏ល្អប្រសើររវាងប្រទេសទាំងពីរ ដោយផ្អែកលើការជឿទុកចិត្តគ្នាទៅវិញទៅមក ផ្តោតលើលទ្ធផលជាក់ស្តែង និងយកប្រជាជនជាមជ្ឈភាព។