នាយករដ្ឋមន្រ្តីវៀតណាមលោក Nguyen Xuan Phuc អញ្ជើញទៅអុជធូប រំលឹកវិញ្ញាណក្ខ័ន្ធវីរៈយុទ្ធជនពលី នៅខេត្ត Quang Nam (រូបថត៖ vnanet.vn)

នាយករដ្ឋមន្រ្តី លោក Nguyen Xuan Phuc បានអញ្ជើញ អុជធូប នៅវិមានរំលឹកវិញ្ញាណក្ខ័ន្ធ នៃវិហារសក្ការបូជាយុទ្ធជនពលីភ្នំ Que ដែលជាទីកន្លែងមានផ្នូររបស់យុទ្ធជនចំនួន ៤០ រូប នៃកងអនុសេនាធំលេខ ១ កងវរៈសេនាតូចពិសេស លេខ ៤០៩ នៃកងយោធភូមិភាគីទី ៥ ដែលបានពលីជីវិតកាលពីយប់ថ្ងៃទី ១១ ខែឧសភា ឆ្នាំ១៩៦៩ នៅភ្នំ Que នៅពេលវាយប្រហារទៅលើមូលដ្ឋានរបស់កងពលតូចលេខ ១៩៦ របស់កងទ័ពអាមេរិក។

មុននេះ នាយករដ្ឋមន្រ្តីលោក Nguyen Xuan Phuc ក៏បានអញ្ជើញទៅអុជធូប រំលឹកវិញ្ញាណក្ខ័ន្ធវីវៈយុទ្ធជនចំនួន ៣០៩ រូប នៅភូមិ Phuong Nghe ឃុំ Que Phu ស្រុក Que Son។ នេះគឺជាភូមិមួយ ដែលមានចំនួនមនុស្សស្លាប់ច្រើនទី ២ នៅទូទាំងប្រទេសក្នុងការតស៊ូប្រឆាំងចក្រព័តអាមេរិក។ អញ្ជើញថ្លែងនៅទីនេះ លោកនាយករដ្ឋមន្ត្រីបានផ្ញើសេចក្ដីតបស្នងសងគុណរបស់បក្ស រដ្ឋ និងប្រជាជនជូនចំពោះក្រុមគ្រួសារយុទ្ធជនពលីក្នុងភូមិ។ លោកនាយរដ្ឋមន្ត្រីបានអះអាងថា រាល់សមិទ្ធិផលរបស់ប្រទេសជាតិ ដែលទទួលបាននាបច្ចុប្បន្ននេះគឺមកពីការលះបង់របស់កុលបុត្រ កុលធីតានៃប្រទេសជាតិ ដែលក្នុងនោះមានវិវីបុរស យុទ្ធជនពលី និងប្រជាជនភូមិ  Phuong Nghe ផងដែរ៕