បញ្ញវន្តអាណិកជនរំពឹងទុកលើមហាសន្និបាតលើកទី ១៤ របស់បក្ស
(VOVWORLD) - ឆ្ពោះទៅមហាសន្និបាតតំណាងទូទាំងប្រទេសលើកទី ១៤ របស់បក្សកុម្មុយនីស្តវៀតណាម សហគមន៍បញ្ញវន្តវៀតណាមនៅបរទេស កំពុងតាមដានដោយក្តីរំពឹងទុកនិងជំនឿជាក់យ៉ាងខ្លាំង។ នេះគឺជាព្រឹត្តិការណ៍នយោបាយដ៏សំខាន់បំផុត ដែលបើកចេញក្តីសង្ឃឹមអំពីការទម្លុះទម្លាយដ៏ខ្លាំងក្លា ដើម្បីនាំប្រទេសជាតិឈានចូលយុគសម័យថ្មី។
 លោកបណ្ឌិត Ha Son Tung អនុប្រធានដេប៉ាតឺម៉ង់បច្ចេកវិទ្យាអុបទិកនៃបណ្ឌិតសភាវិទ្យាសាស្ត្រជាតិសិង្ហបុរី (A*STAR)។ រូបថត៖ VOV |
លោកបណ្ឌិត Ha Son Tung អនុប្រធានដេប៉ាតឺម៉ង់បច្ចេកវិទ្យាអុបទិកនៃបណ្ឌិតសភាវិទ្យាសាស្ត្រជាតិសិង្ហបុរី (A*STAR) រំពឹងថា មហាសន្និបាតលើកទី ១៤ នឹងដាក់ចេញសេចក្តីសម្រេចចិត្តដែលមានលក្ខណៈទម្លុះទម្លាយ ជាក់ស្តែង និងមានសមត្ថភាពអនុវត្តបានឆាប់រហ័ស។
«ខ្ញុំបានឃើញថា ថ្នាក់ដឹកនាំជំនាន់ថ្មីរបស់វៀតណាមបានដាក់ចេញនូវសេចក្តីសម្រេចចិត្តបានឆាប់រហ័ស ម៉ឺងម៉ាត់ និងជាក់ស្តែងជាងមុន។ ខ្ញុំរំពឹងថា ក្រោយមហាសន្និបាតលើកទី ១៤ សេចក្តីសម្រេចចិត្តទាំងនោះនឹងត្រូវបានអនុវត្តកាន់តែជាក់ស្តែងទៅខាងក្រៅ។ គោលដៅចុងក្រោយបំផុតនៃគោលនយោបាយជាតិទាំងអស់ សុទ្ធតែដើម្បីកែលម្អសេដ្ឋកិច្ច បង្កើនប្រាក់ចំណូល និងជីវភាពរស់នៅរបស់ប្រជាជន។ ខ្ញុំជឿជាក់លើក្រុមថ្នាក់ដឹកនាំបក្ស និងរដ្ឋក្នុងអាណត្តិនេះ នឹងបន្តពង្រីកនិងមានសកម្មភាពជាក់ស្តែងបំផុត»៕