បណ្ដាសកម្មភាព នៃសម័យប្រជុំ លើកទី 3 រដ្ឋសភាវៀតណាម នីតិកាលទី 13នៅទីក្រុងហាណូយ(http://tuanvietnam.vietnamnet.vn)

(VOV World)_បន្តកម្មវិធីធ្វើការ នៃសម័យប្រជុំ លើកទី​3 រដ្ឋសភា​វៀតណាម​ នីតិកាល ទី 13 នារសៀលថ្ងៃទី 30 ឧសភា ក្រោម​អធិបតីភាព ​របស់ ​អនុប្រធានរដ្ឋសភា Uong
Chu Luu រដ្ឋសភា បានពិភាក្សា អំពី ​សេចក្ដី​ព្រាង​ច្បាប់​វិនិច្ឆ័យ​រំលោភរដ្ឋបាល។ នេះគឺជា សេចក្ដីព្រាងច្បាប់ធំ រួមចំណែកលើក​កំពស់ប្រសិទ្ធភាព និងសមត្ថភាព របស់ការគ្រប់គ្រងរដ្ឋ ដូចជា លើកកំពស់មនសិកាអនុវត្តតាមច្បាប់របស់ប្រជាពលរដ្ឋ។ សេចក្ដីព្រាងច្បាប់នេះ ប្រមូលផ្តុំទៅលើ បណ្ដាបញ្ហាដូចជា៖ កំរិតផាក់ពិន័យប្រាក់
ចំពោះការរំលោភរដ្ឋបាល ការឃាត់ទុក​វត្ថុ​តាង​ …លៗ មតិជាច្រើន បានចាត់ទុកថា៖  ត្រូវការបង្កើនកំរិតផាក់ពិន័យរដ្ឋបាល ​អប្បបរិមាចំនួន៥ម៉ឺនដុងចំពោះ បុគ្គលម្នាក់ និង ១០ម៉ឺនចំពោះអង្គការ​។ លោក Than Dung Nam សមាជិកសភា មណ្ឌលទីក្រុង Da nang បានរួមមតិថា៖​

          “អំពីកំរិតផាក់ពិន័យជាប្រាក់ ចំពោះការរំលោភរដ្ឋបាល ខ្ញុំគិតថា គំរិតផាក់ពិន័យ
ជា​អតិបរមា ចំពោះបុគ្គល គឺ 1 ពាន់លាន និងចំពោះបណ្ដាស្ថាប័ន អង្គការគឺ 2 ពាន់លាន ដុង ដែលបានកំណត់នៅក្នុងសេចក្ដីព្រាងច្បាប់គឺខ្ពស់ពេក។ ខ្ញុះស្នើថាត្រូវការគិតគូរ ដល់ កំរិតផាក់ពិន័យអតិបរមាចំពោះវិស័យនិមួយៗ អោយសមស្រប ជាមួយលក្ខណះសេដ្ឋកិច្ច 
សង្គម កំរិតប្រាក់ចំណូលជាមធ្យមរបស់ប្រជាជននាបច្ចុប្បន្ន។”

          នាព្រឹកថ្ងៃនេះដែរ ក្រោម​អធិបតីភាព របស់អនុប្រធានរដ្ឋសភា លោកស្រី Tong
Thi Phong បណ្ដាសមាជិកបានពិភាក្សា អំពីសេចក្ដីព្រាង​ច្បាប់​ផ្សាយ​ពាណិជ្ជកម្ម។ បណ្ដាសមាជិកសភាសុទ្ធតែបានស្រុះចិត្តគំនិត ការដែលប្រគល់​អោយក្រសួង វប្បធម៏ កីឡារ និងទេសចរណ៍ ជាស្ថាប័នគ្រប់គ្រងរដ្ឋ អំពីការផ្សាយ​ពាណិជ្ជកម្ម។ 
លោកស្រី Nguyen Thi Hong Ha សមាជិកាសភា​ មណ្ឌល​ទីក្រុងហាណូយបានថ្លែងថា៖

          “ខ្ញុំឯកភាពទាំងស្រុង នឹងការប្រគល់ទៅឲ្យក្រសួងវប្បធម៏កីឡានឹងទេសចរណ៏ ធ្វើជាស្ថាប័ន្ធគ្រប់គ្រងរដ្ឋអំពីការផ្សាយពាណីជ្ជកម្ម​ ។​ចំពោះ​ការផ្សាយពាណិជ្ជកម្ម​លើ​ 
ប៉ាណូ បង់រ៉ុន​នឹងអេក្រង់ផ្សាយពាណិជ្ជកម្ម​  ​ខ្ញុំយល់ព្រមនឹងការផ្តល់ លិខិត​អនុញ្ញាតិ​ កសាងសំណងផ្សាយពាណិជ្ជកម្ម ​សំដៅធានារក្សាការពារ ទិដ្ឋភាព​ស្ថាបត្យកម្ម ទីក្រុង នឹងធានាសណ្តាប់ធ្នាប់​របៀបរបបសុវត្ថិភាពសង្គម៕”