(VOV WORLD)_នាថ្ងៃទី 7 មិថុនា ក្រោមអធិបតីភាព របស់ អនុប្រធាន​រដ្ឋ​សភា​វៀតណាម លោកស្រី Nguyen Thi Kim Ngan បណ្ដាសមាជិកសភា​វៀត​ណាម  បាន
ពិភាក្សា  នៅសាលប្រជុំ អំពីការវាយតំលៃ បំពេញបន្ថែម លទ្ធផល​នៃ​ការ​អនុវត្ត ផែនការអភិវឌ្ឍន៍ សេដ្ឋកិច្ច -សង្គម ​និងថវិការដ្ឋឆ្នាំ 2011 ​ការអនុវត្តផែន​ការ​អភិវឌ្ឍន៍ សេដ្ឋកិច្ច សង្គម និងថវិការដ្ឋ ក្នុងរយះពេល ប៉ុន្មានខែ ដើមឆ្នាំ 2012។

បណ្ដាសកម្មភាពនៃសម័យប្រជុំលើកទី៣រដ្ឋសភាវៀតណាមនីតិកាលទី១៣នៅទីក្រុងហាណូយ(http://www.hanoitv.vn)

បណ្ដាខែដើមឆ្នាំ 2012 ជាមួយការបន្តអនុវត្តគោលដៅស្នូល គឺ រាំងស្កាត់អតិផរណា 
ស្ថិរភាពម៉ាក្រូសេដ្ឋកិច្ច រដ្ឋាភិបាលវៀតណាម ទទួលបានជោគជ័យ ក្នុងការកាត់បន្ថយ
ល្បឿនបង្កើនសន្ទស្សន៍ប្រើប្រាស់ (CPI) ចុះកំរិត 2,6% បើប្រៀបទៅ​នឹងរយះពេល ដូច គ្នា នាឆ្នាំ 2011 (ទាបបំផុត ក្នុងរយះពេល 3ឆ្នាំកន្លងទៅ) ការនាំ​ចូលហួសកំរិតចុះបន្ថយ
…លៗ។ ប៉ុន្តែល្បឿនកំណើន GDP ក្នុងត្រីមាសទីមួយ​ ឆ្នាំ ​2012 ទទួលបានតែ 4% ទាប
ជាងច្រើន  បើប្រៀបទៅនឹងបណ្ដាឆ្នាំមុនៗ។ លោក ​Tran Van Minh សមាជិកសភា 
មណ្ឌល Quang Ninh បានរួមមតិថា៖​

“ចំពោះទីផ្សារក្នុងប្រទេស ត្រូវការជំរុញយ៉ាងខ្លាំង កម្មវិធីលើកទឹកចិត្ត ដើម្បីលក់ផលិត
ផល បន្តជំរុញយ៉ាងខ្លាំង ចលនា ជនវៀតណាមអាទិភាពប្រើប្រាស់​ទំនិញវៀតណាម។ ចំពោះទីផ្សារបរទេស ត្រូវបង្កើនពន្លឿនពាណិជ្ជកម្ម ដើម្បី​ជំរុញយ៉ាងខ្លាំងការនាំចេញ។ ”

អំពីលទ្ធផលនៃការអនុវត្ត ផែនការ អភិវឌ្ឍន៍សេដ្ឋកិច្ច សង្គម និងថវិការដ្ឋ ​ឆ្នាំ 2011បាន មាន គោលដៅចំនួន 15 ក្នុងចំណោម គោលដៅ​ សេដ្ឋកិច្ច សង្គម​ចំនួន​ 22 ​ត្រូវបាន
សម្រេច និង ហូសផែនការ។ ប្រការនេះបានអះអាងថា៖ ​ការបញ្ជា​ណែនាំរបស់រដ្ឋា
ភិបាល ​បានមា​នប្រសិទ្ធភាព ពិសេសគឺការអនុវត្ត ​សេចក្ដីសម្រេច​ចិត្ត ​លេខ 11 របស់​រដ្ឋាភិបាល អំពីបណ្ដាដំណោះស្រាយ ​រាំងស្កាត់អតិផរណា ​ស្ថិរ​ភាព​​ ម៉ាក្រូសេដ្ឋកិច្ច  ធានាសុខុមាលភាពសង្គម។ ប៉ុន្តែ ​មតិជាច្រើន បានចាត់ទុក​ថា ​កញ្ចប់ដំណោះស្រាយ  របស់រដ្ឋាភិបាល ជួយឧបត្ថម្ភអង្គភាពអាជីវកម្ម ​ជាមួយ​ទឹកប្រាក់ចំនួន 29 000 ពាន់លាន ដុង និង ការអូសបន្លាយរយះពេលបង់ពន្ធ ភាស៊ី មួយចំនួន ចំពោះអង្គភាពអាជីវកម្ម 
គឺមិនខ្លាំងក្លា គ្រប់គ្រាន់​ ដើម្បី ដោះស្រាយការ​លំបាកចំពោះ បណ្ដាអង្គភាពអាជីវកម្ម
ទេ។ និងមតិមួយចំនួន បានស្នើថា មិនត្រូវ​បន្ធូរស្រាល​គោលនយោបាយរូបីយវត្ថុ  ក្នុងសភាពការណ៍នាបច្ចុប្បន្ន ​ពីព្រោះ ​អតិផរណា​អាចកើនឡើងវិញ  និង បញ្ឈប់
ស្ថានភាព  បណ្ដាសម្ព័ន្ធក្រុមហ៊ុន ​អគ្គក្រុមហ៊ុនរដ្ឋវិនិយោគ ​ចេញទៅខាងក្រៅ វិស័យ
របស់ ខ្លួន ដោយមិនមាន​ប្រសិទ្ធ​ភាព។ លោក Nguyen Cao Son សមាជិកសភា មណ្ឌល
Hoa Binh បាន​អោយ​ដឹងថា៖​

          “ខ្ញុំស្នើរដ្ឋាភិបាលបន្តការស្រាវជ្រាវរាល់ដំណោះស្រាយជួយសង្គ្រោះ អង្គ ភាព​អាជីវកម្មដោយបណ្តារូបភាពដូចជា បន្តផ្អាក អូសបន្លាយរយៈពេល ឬ​លើក លែង​ពន្ធ​ ជម្រុញតម្រូវការប្រើប្រាស់ទំនិញ”។

          ចំពោះលោក Huynh Nghia សមាជិកសភាទីក្រុង Da Nang រួមមតិថា៖

          “ត្រូវមានដោះណោះស្រាយខ្លាំងដើម្បីលើកខឿនសេដ្ឋកិច្ចឡើង ក្នុងនោះ ត្រូវ​យក​ចិត្តទុកដាក់រាល់ដំណោះស្រាយ អភិវឌ្ឍន៍ ផលិតកម្ម ចំណាយ ផលិតផល គោលនយោ
បាយ សុខុមាលភាពសង្គម នឹងរួមចំណែកទប់ស្កាត់​សន្ទុះឧនភាព​សេដ្ឋ​កិច្ច”។

          មតិជាច្រើនក៏បានសង្កត់ធ្ងន់ទៅលើការបង្ការនិងប្រឆំាងជំងឺរិករាលដាល បន្ថយ​ 
ការកក់ស្ទះ គ្រោះថ្នាក់ចរាចរ ពិសេសគឺការប្តឹងតវ៉ាដីធ្លីសំដៅពង្រឹង

ទំនុក​ទុកចិត្តរបស់ប្រជាជនចំពោះរដ្ឋអំណាច៕