(VOVworld) - នាព្រឹកថ្ងៃទី៩ កក្កដា នៅជំនួបសន្ទនាជាមួយអនុប្រធានរដ្ឋឡាវ
លោក Bounnhang Volachit និងគណៈប្រតិភូជាន់ខ្ពស់ឡាវដែលកំពុងអញ្ជើញបំពេញ
ទស្សនកិច្ចនៅវៀតណាមនោះ ប្រធានរដ្ឋសភាវៀតណាមលោក Nguyen Sinh Hung
 បានអះអាងថា ទំនាក់ទំនងមិត្តភាពជាប្រពៃណី សាមគ្គីភាពពិសេសនិងកិច្ចសហ
ប្រតិបតិ្តការលើគ្រប់វិស័យរវាងវៀតណាមនិងឡាវជាមូលដ្ឋានដ៏រឹងមាំសំរាប់ការ
អភិវឌ្ឍន៍ល្អប្រសើរលើគ្រប់វិស័យរវាងប្រទេសទាំង២។លោក Nguyen Sinh Hung
បានអះអាងថែ មទៀតថា រដ្ឋសភាវៀតណាមត្រៀមខ្លួនជាស្រេចចែករំលែកបទ
ពិសោធន៍ជាមួយរដ្ឋសភាឡាវក្នុងការកែសម្រួលរដ្ឋធម្មនុញ្ញថ្មីឆ្នាំ២០១៥ ក៏ដូចជា
គាំទ្រអស់ពីចិត្តពីថ្លើមឡាវទទួលប្រកបដោយជោគជ័យនូវតួនាទីជាប្រធានអា
ស៊ានក្នុងឆ្នាំ២០១៦ផងដែរ។ថ្នាក់ដឹកនាំទាំង២រូបបានឯកភាពគ្នាថា ទំនាក់ទំនង
និងទំនុកទុកចិត្តពិសេសរវាងបក្សទាំង២ រដ្ឋទាំង២និងប្រជាជន នៃប្រទេសទាំង២
គប្បីត្រូវបានរក្សារឹងមាំដើម្បីការអភិវឌ្ឍន៍របស់ប្រទេសនិមួយៗនាពេលអនាគត។

ប្រធានរដ្ឋវៀតណាមលោក Truong Tan Sang (ខាងស្ដាំ) និងអនុប្រធានរដ្ឋឡាវ លោក Bounnhang Volachit (រូបថត៖VTV)

មុននោះ នារសៀលថ្ងៃទី៨ កក្កដា នៅវិមានប្រធានរដ្ឋ ប្រធានរដ្ឋវៀតណាមលោក
 Truong Tan Sang បានទទួលជួបសន្ទនាជាមួយគណៈប្រតិភូជាន់ខ្ពស់ឡាវដឹកនាំ
ដោយអនុប្រធានរដ្ឋឡាវលោក Bounnhang Volachit ដែលកំពុងអញ្ជើញមកបំពេញ
ទស្សនកិច្ចនៅវៀតណាម។នៅទីនេះ លោក Truong Tan Sang បានថ្លែងថា ដំណើរ
ទស្សនកិច្ចលើកនេះរបស់លោកអនុប្រធានរដ្ឋឡាវនៅវៀតណាមនឹងរួមចំណែក
សំខាន់ក្នុងការពង្រឹងនិងពង្រីកទំនាក់ទំនងមិត្តភាពប្រពៃណី សាមគ្គីភាពពិសេស និងកិច្ចសហប្រតិបតិ្តការលើគ្រប់វិស័យវៀតណាម-ឡាវ។លោក Truong Tan Sang ក៏បានសំដែងជំនឿជាក់ថា ក្នុងឋានៈជាប្រធានអាស៊ានក្នុងឆ្នាំ២០១៦ ជាឆ្នាំដែល
សហគមន៍អាស៊ានត្រូវបានបង្កើត ឡាវនឹងរៀបចំប្រកបដោយជោគជ័យសន្និសីទ
អាស៊ាន២០១៦។រីឯខ្លួនវិញ លោក Bounnhang Volachit បានអះអាងថា នឹងធ្វើអស់
ពីកម្លាំងកាយចិត្តរួមជាមួយវៀតណាមរក្សានិងពូនជ្រុំនាំទំនាក់ទំនងសាមគ្គីភាព
ពិសេសឡាវ-វៀតណាមកាន់តែអភិវឌ្ឍន៍ពី១ថ្ងៃទៅ១ថ្ងៃ៕