ប្រទេសចំនួន ៦ របស់ G7 ប្តេជ្ញាទប់ទល់នឹងបំរ៉ែបំរួលអាកាសធាតុ

(VOVworld) – សេចក្តីសម្រេចចាកចេញពីកិច្ចព្រមព្រៀងទីក្រុងប៉ារីសស្តីអំពីការទប់ទល់នឹងបំរ៉ែបំរួលអាកាសធាតុបានកើតមានឡើងការខ្វែងគំនិតរវាងអាមេរិក និងក្រុមបណ្ដាប្រទេសឧស្សាហកម្មអភិវឌ្ឍន៍ជួរមុខលើពិភពលោក (G7) នាថ្ងៃធ្វើការដំបូងនៅសន្និសីទរដ្ឋមន្ត្រីបរិស្ថានក្រុម G7 ដែលប្រព្រឹត្តទៅចាប់ពី ថ្ងៃទី ១១ ដល់ទី ១២ មិថុនា នៅទីក្រុង Bologna អ៊ីតាលី។ ប៉ុន្តែ ប្រទេសចំនួន ៦ នៅសេសសល់ក្នុង G7 សុទ្ធតែបានឯកភាពជំរុញការខំប្រឹងប្រែងទប់ទល់នឹងបំរ៉ែបំរួលអាកាសធាតុដោយមិនមានការចូលរួមរបស់អាមេរិកទេ។ ថ្លែងមតិនាថ្ងៃទី ១១ មិថុនាបន្ទាប់ពីថ្ងៃធ្វើការដំបូងរដ្ឋមន្ត្រីក្រសួងបរិស្ថានអ៊ីតាលី លោក Gian Luca Galletti បានឲ្យដឹងថា៖ ការខ្វែងគំនិតរវាងអាមេរិកនិងប្រទេសនៅសេសសល់ក្នុង G7 ស្តីអំពីកិច្ចព្រមព្រៀងទីក្រុងប៉ារីសគឺធ្ងន់ធ្ងរណាស់ហើយអ៊ីតាលីរួមជាមូយបណ្ដាខឿនសេដ្ឋកិច្ចជួរមុខផ្សេងៗទៀតចាត់ទុកកិច្ចព្រមព្រៀងនេះមិនអាចចុះហេត្ថលេខាឡើងវិញបានឡើយ៕