អនុសេនីយ៍ឯក Philip G. Sawyer ជួបសន្ទនាជាមួយថ្នាក់ដឹកនាំទីក្រុង Da Nang

  នាយប់ថ្ងៃទី៥ មិនា បន្ទាប់ពីចូលចតកំពង់ផែ Tien Sa ចាប់ផ្ដើមដំណើរទស្សនកិច្ចមិត្តភាពនៅទីក្រុង Da Nang ភាគកណ្ដាលវៀតណាមចាប់ពីថ្ងៃទី៥ដល់ទី៩ មិនា នោះ អនុសេនីយ៍ឯក Philip G. Sawyer មេបញ្ជាការកងនាវាទី៧ កងនាវាប៉ាស៊ីហ្វិករបស់អាមេរិក រួមជាមួយថ្នាក់ដឹកនាំក្រុមនាវាកងទ័ពជើងទឹកអាមេរិក បានមកជួបសម្ដែងការគួរសមថ្នាក់ដឹកនាំទីក្រុង Da Nang។ អនុសេនីយ៍ឯក Philip G. Sawyer ឲ្យដឹងថា ដំណើរទស្សនកិច្ចនៅទីក្រុង Da Nang លើកនេះមិនត្រឹមតែមានអត្ថន័យចំពោះកងទ័ពជើងទឹកនៃប្រទេសទាំងពីរប៉ុណ្ណោះទេ ថែមទាំងរួមចំណែកពូនជ្រុំឲ្យទំនាក់ទំនងដែលកំពុងអភិវឌ្ឍន៍ប្រកបដោយភាពល្អប្រសើររវាងប្រទេសទាំងពីរទៀតផង។ លោក Huynh Duc Tho ប្រធានគណៈកម្មាធិការប្រជាជនទីក្រុង Da Nang ឲ្យដឹងថាក្នុងរយៈពេល៣ឆ្នាំថ្មីៗនេះ ទីក្រុង Da Nang បានទទួលស្វាគមន៍មន្ត្រីអាមេរិកជាច្រើនរូបក៏ដូចជាក្រុមនាវាកងទ័ពជើងទឹកអាមេរិកមកបំពេញទស្សនកិច្ចនៅទីក្រុង។

        “អាមេរិកជាដៃគូមួយក្នុងចំណោមដៃគូធំៗអំពីការវិនិយោគផ្ទាល់ ក៏ដូចជា ការផ្ដល់ទុន ODA សំរាប់ទីក្រុង Da Nang។ នាបច្ចុប្បន្នទីក្រុង Da Nang មានគម្រោងការណ៍វិនិយោគផ្ទាល់ជិត៥០គម្រោង ដោយដើមទុនសរុបជាង៥០០លានដុល្លា”។

        ក្នុងរយៈពេលស្នាក់នៅទីក្រុង Da Nang គណៈប្រតិភូកងទ័ពជើងទឹកអាមេរិកក៏ចូលរួមសកម្មភាពផ្លាស់ប្ដូរខាងបច្ចេកទេស ប្រកួតកីឡាមិត្តភាពនិងសកម្មភាពសហគមន៍មួយចំនួនទៀតផង៕