ប្រធានាធិបតី Poroshenko: ជំលោះនៅអ៊ុយក្រែនកំពុងបិទបញ្ចប់ជាបណ្ដើរៗ (AFP)

        Vovworld-នាថ្ងៃទី២៥កញ្ញា ប្រធានាធិបតីអ៊ុយក្រែនលោក Petro Poroshenko បានសម្ដែងជំនឿជាក់ថា ការទទួលបានកិច្ចព្រមព្រៀង​សន្តិភាព​រវាងរដ្ឋអំណាច
Kiev ជាមួយកំលាំងប្រឆាំងនៅភាគខាងកើតមានន័យថា​ផ្នែក​គ្រោះថ្នាក់បំផុតនៃ
ជំលោះ​ដែលអូសបន្លាយក្នុងរយៈពេល៥ខែកន្លងមកបាន​ឆ្លងផុតទៅ។ ថ្លែងមតិ
នៅសន្និសីទ​កាសែតដំបូងគិតតាំងពីពេលទទួលដំណែង​ប្រធានាធិបតីអ៊ុយក្រែន
តាំងពី​ដើមខែ​មិថុនា​កន្លងមក លោក Poroshenko អះអាងផែនការសន្តិភាពនឹង
ពង្រីកប្រសិទ្ធភាព​និង​ផ្នែកធ្ងន់ធ្ងរបំផុតនៃសង្គ្រាមបានស្ថិតនៅខាងក្រោយ។

        ទាក់ទិនដល់ស្ថានភាពសេដ្ឋកិច្ចក្នុងប្រទេស ប្រធានាធិបតី Poroshenko បាន​អំពាវនាវមូលនិធិរូបីយវត្ថុអន្តរជាតិ (IMF) និងបណ្ដាប្រទេសលោកខាង​លិច​បង្កើន
ការ​ជួយឧបត្ថម្ភខាងហិរញ្ញវត្ថុសំដៅជួយប្រទេសនេះស្ថិរភាពប្រាក់ Hyrvnia ខណៈ
ដែល​ប្រាក់នេះបានធ្លាក់ចុះ៤០%បើប្រៀបនឹងប្រាក់ដុល្លារ​តាំងពីដើមឆ្នាំមក។

        ក្នុងបំរ៉ែបំរួលមួយទៀត ប្រធានាធិបតី Poroshenko បានចេញបទបញ្ជាឲ្យ​គណៈរដ្ឋមន្ត្រីលុបចោលបែបបទមិនចូលរួមសម្ព័ន្ធភាពរបស់ប្រទេសនេះ បើកផ្លូវ
ឲ្យ​ប្រទេស​នេះចូលរួមបណ្ដាសម្ព័ន្ធភាពយោធា៕