ប្រធានាធិបតីកូរ៉េខាងត្បូងលោកស្រី Park Geun Hye (VOV)

        VOV-នាយប់ថ្ងៃទី៧កញ្ញា ប្រធានាធិបតីកូរ៉េខាងត្បូងលោកស្រី Park Geun
Hye បានអញ្ជើញមកដល់ទីក្រុងហាណូយ ចាប់ផ្ដើមដំណើរទស្សនកិច្ចថ្នាក់រដ្ឋ​នៅ​វៀតណាមចាប់ពីថ្ងៃទី៧ដល់ថ្ងៃទី១១កញ្ញា តាមសេចក្តីអញ្ជើញរបស់ប្រធានរដ្ឋ​
វៀតណាមលោក Truong Tan Sang។ នេះជាដំណើរទស្សនកិច្ចនៅវៀតណាមជា​លើកដំបូងរបស់ប្រធានាធិបតី Park Geun Hye ក្នុងថានៈជាប្រធានាធិបតីកូរ៉េខាង​
ត្បូង។

         ពិធីទទួលជាផ្លូវការប្រធានាធិបតី Park Geun Hye​ នឹងបានប្រព្រឹត្តទៅនា​ថ្ងៃ​ទី​៩កញ្ញានៅទីក្រុងហាណូយ។ បន្ទាប់នោះប្រធានរដ្ឋវៀតណាមលោក Truong Tan
Sang និងប្រធានាធិបតី Park Geun Hye នឹងចរចារអំពីបញ្ហាដែលភាគីទាំង​ពីរ​យក
ចិត្តទុកដាក់ដូចគ្នា។

        ក្នុងឱកាសដំណើរទស្សនកិច្ចលើកនេះ ប្រធានាធិបតី Park Geun Hye នឹង​មកជួបសម្ដែងការគួរសមអគ្គលេខាបក្សកុម្មុយនីស្តវៀតណាមលោក Nguyen Phu
Trong ជួបសន្ទនាជាមួយនាយករដ្ឋមន្ត្រី Nguyen Tan Dung និងប្រធា​រដ្ឋសភា​លោក
Nguyen Sinh Hung។

        ក្នុងចំណោមប្រទេសនិងដំបន់ដែនដីចំនួន៩៦បានវិនិយោគចូលមកវៀត​
ណាមនោះ កូរ៉េខាងត្បូងជាវិនិយោគិនធំទី៤ជាមួយគំរោងការចំនួនជាង៣ពាន់​
គំរោង។ តំលៃប្រាក់ពាណិជ្ជកម្មទ្វេភាគីក្នុងឆ្នាំ២០១២ទទួលបានជាង១២ពាន់​
លាន​ដុល្លារអាមេរិក។

        ក្រៅពីនោះ កូរ៉េខាងត្បូងក៏ជាប្រទេសផ្ដល់ជំនួយ ODA ធំទី២របស់វៀត​ណាម បន្ទាប់ពីជប៉ុននិងវៀតណាមជាប្រទេសទទួលជំនួយ ODA ធំទី១របស់កូរ៉េ​ខាងត្បូង៕