ប្រធានរដ្ឋ លោក Vo Van Thuong ទទួលជួបជាមួយអនុប្រធានជាន់ខ្ពស់នៃក្រុមហ៊ុន Boeing Group និងជាប្រធានក្រុមហ៊ុន Boeing Global លោក Brendan Nelson  (រូបថត៖ TTXVN)

ក្នុងជំនួបទាំងនេះ ប្រធានរដ្ឋលោក Vo Van Thuong បានសង្កត់ធ្ងន់ថា វៀតណាមជានិច្ចកាលតែងតែផ្ទៀងស្តាប់ដោយស្មោះស្ម័គ្រ និងស្រូបយកមតិយោបល់របស់អង្គភាពអាជីវកម្ម និងអ្នកវិនិយោគ ដើម្បីកែលម្អឥតឈប់ឈរនូវយន្តការ និងគោលនយោបាយ កែលម្អបរិយាកាសវិនិយោគអាជីវកម្ម ដោយសង្ឃឹមថាសម្ព័ន្ធក្រុមហ៊ុន Apple និង Boeing នឹងជំរុញកិច្ចសហប្រតិបត្តិការវិនិយោគនៅវៀតណាម។

ចំណែកឯនាយកប្រតិបត្តិ Apple Group លោក Tim Cook បានវាយតម្លៃថា វៀតណាមជាប្រទេសមួយនៅក្នុងយុទ្ធសាស្ត្រអាជីវកម្មពិសេសរបស់ Apple។ ជាមួយគ្នានេះ លោក Tim Cook បានផ្តល់អនុសាសន៍លើបញ្ហាអភិវឌ្ឍន៍មួយចំនួននៅវៀត ណាម ដោយចាត់ទុកថា វៀតណាមគួរបន្តកែលម្អក្របខ័ណ្ឌច្បាប់ ដើម្បីបម្រើការអភិវឌ្ឍសេដ្ឋកិច្ចឌីជីថល ជាពិសេសធាតុធានាសន្តិសុខ។

រីឯអគ្គនាយកក្រុមហ៊ុន Boeing Global លោក Brendan Nelson បានសម្តែងនូវបំណងចង់កសាងប្រព័ន្ធអេកូឡូស៊ីអាកាសចរណ៍នៅវៀតណាម ដោយផ្តោតលើការកសាងហេដ្ឋារចនាសម្ព័ន្ធអាកាសចរណ៍ ការបណ្តុះបណ្តាលធនធានមនុស្ស ការកសាងអាកាសយានដ្ឋាន និងកន្លែងជួសជុលយន្តហោះ ក៏ដូចជា ជួយវៀតណាមផលិតឧបករណ៍សម្រាប់ Boeing និងជួយវៀតណាមក្នុងការបណ្តុះបណ្តាលអ្នកបើកយន្តហោះ និងអ្នកបច្ចេកទេស៕