ប្រធានរដ្ឋវៀតណាមបានចូលរួមពិធីរំលឹកគុណបណ្ដាស្ដេច Hung ២០១៥ (VOV)

        Vovworld-នាព្រឹកថ្ងៃទី២៨មេសា (ពោលគឺថ្ងៃទី១០ខែទី៣តាមច័ន្ទកតិ) នៅ
​វិហារ Kinh Thien លើកំពូលភ្នំ Nghia Linh នៃមណ្ឌលកេរ៌្តតំណែលប្រវត្តិសាស្ត្រ​
ជាតិ​ពិសេស​វិហារបណ្ដាស្ដេច Hung ខេត្ត Phu Tho បានរៀបចំដ៏មហោឡារឹក​ពិធី
បុណ្យរំលឹកគុណបណ្ដាស្ដេច Hung សំដៅរំលឹកគុណូបការៈជីដូន​ជីតា​ដែលមាន
គុណបំណាច់កសាងប្រទេសជាតិ​បង្កើតរដ្ឋ Van Lang ប្រទេស​ដើម​ដំបូងក្នុង
ប្រវត្តិសាស្ត្រប្រជាជាតិវៀតណាម។ ប្រធានរដ្ឋវៀតណាមលោក Truong Tan Sang
ថ្នាក់ដឹកនាំបក្សរដ្ឋតំណាងក្រសួងស្ថាប័នមជ្ឈឹមនិងខេត្ត​ក្រុង​រួមជាមួយជនវៀត
ណាមនៅឯបរទេសប្រជាជនបណ្ដាជនជាតិលើគ្រប់ទិសទីនៃមាតុប្រទេសជាច្រើន
កុះករបានចូលរួមពិធីបុណ្យ។

        ក្នុងឱកាសនេះ លោកប្រធានរដ្ឋនិងតំណាងនានាបានដាក់កម្រងផ្កាអុធ​ធូប​
នៅប្រាង្គបណ្ដាស្ដេច Hung គោរពររំលឹកវិញ្ញាណក្ខ័ន្ធលោកប្រធានហូជីមិញ​និង
យុទ្ធជនដែលបានពលីកម្មដើម្បីមាតុប្រទេស។ ចែករំលែកការចាប់អារម្មណ៍​អំពី
បុណ្យរំលឹកគុណជីដូនជីតា លោកស្រី Nguyen Thi Loan នៅខេត្ត Hoa Binh បានឲ្យ
ដឹងថា៖

        “ឆ្នាំណាខ្ញុំក៏ចង់មកវិហារបណ្ដាស្ដេច Hung មកនឹងដំបន់ដីជីដូនជីតា។ មិន
ត្រឹមតែនៅវៀតណាមប៉ុណ្ណោះទេ ថែមទាំងជនវៀតណាមនៅឯបរទេសក៏​ចង់មក
ទីនេះដែរ។ ពេលមកដល់ទីនេះខ្ញុំមានមោទនភាព​ដែលយើងជាកុលបុត្រកុលធីតា
វៀតណាមដោយមានប្រពៃណី៤ពាន់ឆ្នាំ​ប្រវត្តិសាស្ត្រ។”

        បន្ទាប់ពីផ្នែកពិធីការគឺផ្នែកបុណ្យដោយមានសកម្មភាពជាច្រើនដូចជា ពិព័ណ៌
រូបថតជំនឿធ្វើសក្ការបូជាបណ្ដាស្ដេច Hung ជំរុំវប្បធម៍​មហោស្រព​ចម្រៀង Xoan
និងចម្រៀងប្រជាប្រិយ Phu Tho ជាដើម។

        ក្នុងឱកាសនេះដែរ នៅកេរ៌្តដំណែលវិហារធ្វើសក្ការបូជាបណ្ដាស្ដេច Hung ជាង
១៤០០កន្លែង​ក្នុងទូទាំងប្រទេសសុទ្ធតែបានរៀបចំសកម្មភាពអុធធូបរំលឹកគុណ
បណ្ដាស្ដេច Hung ផងដែរ៕