ប្រធានរដ្ឋសភា លោក Vuong Dinh Hue ចាប់ផ្តើមដំណើរទស្សនកិច្ចជាផ្លូវការនៅអាហ្សង់ទីន
(VOVWORLD) - បន្ទាប់ពីបញ្ចប់ប្រកបដោយជោគជ័យដំណើរទស្សនកិច្ចជាផ្លូវការនៅប្រទេសគុយបារួចមក នារសៀលថ្ងៃទី ២៣ មេសា (ម៉ោងក្នុងតំបន់) ប្រធានរដ្ឋសភាលោក Vuong Dinh Hue បានអញ្ជើញមកដល់អាកាសយានដ្ឋានអន្តរជាតិ Ministro Pistarini រដ្ឋធានី Buenos Aires ដោយចាប់ផ្តើមបំពេញទស្សនកិច្ចផ្លូវការនៅអាហ្សង់ទីន តបតាមការអញ្ជើញរបស់ប្រធានសភាជាន់ទាបអាហ្សង់ទីន Cecilia Moreau ចាប់ពីថ្ងៃទី ២៣ ដល់ថ្ងៃទី ២៦ ខែមេសា។
 ប្រធានរដ្ឋសភាលោក Vuong Dinh Hue អញ្ជើញមកដល់រដ្ឋធានី Buenos Aires ដោយចាប់ផ្តើមបំពេញទស្សនកិច្ចផ្លូវការនៅអាហ្សង់ទីន។ (រូបថត៖ VOV) |
ទទួលស្វាគមន៍ប្រធានរដ្ឋសភាលោក Vuong Dinh Hue និងគណៈប្រតិភូជាន់ខ្ពស់នៃរដ្ឋសភាវៀតណាមនៅអាកាសយានដ្ឋាន ភាគីអាហ្សង់ទីនមានអនុរដ្ឋមន្ត្រីការបរទេស Cecilia Todesca, ប្រធានក្រុមសមាជិកសភាមិត្តភាពអាហ្សង់ទីន-វៀតណាម Maria Rosa Martinez; ខាងភាគីវៀតណាម មានឯកអគ្គរដ្ឋទូតវៀតណាមប្រចាំនៅអាហ្សង់ទីន ទទួលបន្ទុកអ៊ុយរូហ្គាយខាងកើត លោក Duong Quoc Thanh។
តាមគម្រោង ក្នុងដំណើរទស្សនកិច្ចផ្លូវការនេះ ប្រធានរដ្ឋសភាវៀតណាម លោក Vuong Dinh Hue នឹងមានជំនួបពិភាក្សា និងជំនួបទ្វេភាគីជាមួយថ្នាក់ដឹកនាំជាន់ខ្ពស់អាហ្សង់ទីន; ចូលរួមក្នុងវេទិកាធុរកិច្ច; ចូលរួមកម្មវិធីសិល្បៈនយោបាយ ដើម្បីអបអរសាទរខួបលើកទី ៥០ នៃការបង្កើតទំនាក់ទំនងការទូតរវាងវៀតណាម និងអាហ្សង់ទីន (២៥ តុលា ១៩៧៣ - ២៥ តុលា ២០២៣); ជួបសំណេះសំណាលនិងពិភាក្សាការងារជាមួយកម្មាភិបាល បុគ្គលិកស្ថានទូត តំណាងសហគមន៍វៀតណាមនៅអាហ្សង់ទីនផងដែរ៕