ប្រធានរដ្ឋសភាវៀតណាម លោក Vuong Dinh Hue បានអញ្ជើញទទួលជួបឯកអគ្គរដ្ឋទូត ប្រធានស្ថានបេសកកម្មសហភាពអឺរ៉ុបប្រចាំនៅវៀតណាមលោក Giorgio Aliberti

នារសៀលថ្ងៃទី ១៦ មិថុនា នៅទីក្រុងហាណូយ ប្រធានរដ្ឋសភាវៀតណាម លោក Vuong Dinh Hue បានអញ្ជើញទទួលជួបឯកអគ្គរដ្ឋទូត ប្រធានស្ថានបេសកកម្មសហភាពអឺរ៉ុបប្រចាំនៅវៀតណាមលោក Giorgio Aliberti និងឯកអគ្គរដ្ឋទូតស្វីសប្រចាំនៅវៀតណាមលោក Thomas Gass ។

ក្នុងជំនួបជាមួយប្រធានស្ថានបេសកកម្មសហភាពអឺរ៉ុបប្រចាំនៅវៀតណាមលោក Giorgio Aliberti លោក Vuong Dinh Hue បានសង្កត់ធ្ងន់ថា សមិទ្ធិផលដ៏ធំបំផុតនាបច្ចុប្បន្នរបស់វៀតណាម និង EU គឺភាគីទាំងពីរបានចុះហត្ថលេខា និងអនុវត្តន៍ កិច្ចព្រមព្រៀងពាណិជ្ជកម្មសេរីវៀតណាម-សហភាពអឺរ៉ុប (EVFTA)។ ប្រធានរដ្ឋសភាបានអះអាងថា វៀតណាមត្រៀមខ្លួនជាស្រេចបន្កើនវត្តមានរបស់សហភាពអឺរ៉ុប (EU) នៅអាស៊ីអាគ្នេយ៍ និងសម្របសម្រួលការអនុវត្តផែនការសកម្មភាពនៃសមាគមប្រជាជាតិអាស៊ីអាគ្នេយ៍ (អាស៊ាន) - សហភាពអឺរ៉ុបដំណាក់កាល ២០២៣ -២០២៧ និងជួយ EU តភ្ជាប់ជាមួយទីផ្សារអាស៊ាន។

ជាការឆ្លើយតប ឯកអគ្គរដ្ឋទូត ប្រធានស្ថានបេសកកម្មសហភាពអឺរ៉ុបប្រចាំនៅវៀតណាមលោក Giorgio Aliberti  បានវាយតម្លៃខ្ពស់ចំពោះតួនាទីរបស់ប្រធានរដ្ឋសភាលោក Vuong Dinh Hue ក្នុងការជំរុញទំនាក់ទំនងរវាង EU-វៀតណាមក្នុងរយៈពេលកន្លងទៅ ជាពិសេសគឺទំនាក់ទំនងរវាងសភាអឺរ៉ុប ជាមួយរដ្ឋសភាវៀតណាមត្រូវបានពង្រឹងគួរឲ្យកត់សម្គាល់។ លោកឯកអគ្គរដ្ឋទូត Giorgio Aliberti មានក្ដីសង្ឈឹមថា នាពេលខាងមុខ EU មិនត្រឹមតែវិនិយោគនៅវៀតណាមលើវិស័យផ្លាស់ប្ដូរថាមពលប៉ុណ្ណោះទេ ថែមទាំងមានវត្តមានយូរអង្វែងនៅវៀតណាមលើវិស័យជាច្រើនទៀតផងដែរ។

នាថ្ងៃដដែល ប្រធានរដ្ឋសភាលោក Vuong Dinh Hue ក៏បានអញ្ជើញទទួលជួបជាមួយឯកអគ្គរដ្ឋទូតស្វីសប្រចាំនៅវៀតណាម លោក Thomas Gass ផងដែរ៕