ទិដ្ឋភាពនៃជំនួប (រូបថត៖ VOV)

នៅក្នុងជំនួបពិភាក្សានេះ ប្រធានរដ្ឋសភាទាំងពីររូប បានពិភាក្សាយ៉ាងជ្រាលជ្រៅអំពីទិសដៅនិងវិធានការសំខាន់ៗ សំដៅពង្រឹងកិច្ចសហប្រតិបត្តិការនិងលើកកំពស់ទំនាក់ទំនងនាពេលខាងមុខ។ ថ្នាក់ដឹកនាំទាំងពីររូបបានឯកភាពថា កិច្ចសហប្រតិបត្តិការផ្នែកនយោបាយ និងការទូតនឹងបន្តដើរតួនាទីស្នូលក្នុងការដឹកនាំទំនាក់ទំនងរួមរវាងប្រទេសទាំងពីរតាម រយៈការបង្កើនការផ្លាស់ប្តូរគណៈប្រតិភូ និងលើកកម្ពស់ទំនាក់ទំនងក្នុងអំឡុងពេលខាងមុខ។ ប្រធានរដ្ឋសភាវៀតណាមលោក ត្រឹន ថាញ់ មិនបានថ្លែងអំណរគុណនិងស្នើឱ្យសិង្ហបុរីបន្តគាំទ្រការបណ្តុះបណ្តាលកម្មាភិបាលកម្រិតយុទ្ធសាស្ត្រសម្រាប់វៀតណាម រួមទាំងកម្មាភិបាលដែលក្នុងត្រៀមរៀបចំជាសមាជិកនៃគណៈកម្មាធិការមជ្ឈិម នីតិកាលទី១៤ផងដែរ។

ថ្នាក់ដឹកនាំទាំងពីររូបបានអះអាងថា កិច្ចសហប្រតិបត្តិការសេដ្ឋកិច្ច និងពាណិជ្ជកម្មបន្តជាសសរស្តម្ភសំខាន់ក្នុងទំនាក់ទំនងទ្វេភាគី; ឯកភាពគ្នាបង្កើតច្រករបៀងច្បាប់អំណោយផល និងជំរុញការត្រួតពិនិត្យក្រសួង សាខា មូលដ្ឋាន និងធុរកិច្ចក្នុងការអនុវត្តកិច្ចព្រមព្រៀងដែលបានចុះហត្ថលេខា ជាពិសេសលើវិស័យកំណើនថ្មីដូចជា៖ សេដ្ឋកិច្ចបៃតង សេដ្ឋកិច្ចឌីជីថល ថាមពលស្អាត សន្តិសុខតាមអ៊ីនធឺណិត នវានុវត្តន៍... ក៏ដូចជាផ្នែកសំខាន់ៗផ្សេងទៀតនៃកិច្ចព្រមព្រៀងក្របខ័ណ្ឌស្តីពីការតភ្ជាប់សេដ្ឋកិច្ចទាំងពីរ។ ភាគីទាំងពីរក៏បានឯកភាពពង្រឹងកិច្ចសហប្រតិបត្តិការលើវិស័យប្រពៃណី។

ដើម្បីជំរុញកិច្ចសហប្រតិបត្តិការជាក់ស្តែងរវាងសភាទាំងពីរ ថ្នាក់ដឹកនាំទាំងពីរបានឯកភាពថា ចាំបាច់ត្រូវបន្តអនុវត្តប្រកបដោយប្រសិទ្ធភាពនូវកិច្ចព្រមព្រៀងសហប្រតិបត្តិការរវាងរដ្ឋសភានៃប្រទេសទាំងពីរ រួមចំណែកធ្វើឱ្យទំនាក់ទំនងដៃគូយុទ្ធសាស្ត្រវៀតណាម - សិង្ហបុរី កាន់តែរឹងមាំនិងរីកចម្រើនយ៉ាងឆាប់រហ័ស ទៅកម្រិតថ្មី៕