ប្រធានរដ្ឋសភាវៀតណាមលោក Nguyen Sinh Hung ជួបសម្ដែងការគួសមប្រធានាធិបតីកូរ៉េខាងត្បូងលោកស្រី Park Geun Hye (vov.vn)

        VOV-នារសៀលថ្ងៃទី២២កក្កដានៅរដ្ឋធានី Seul កូរ៉េខាងត្បូង ប្រធានរដ្ឋ​សភា​
វៀតណាមលោក Nguyen Sinh Hung បានជួបចរចារជាមួយប្រធានរដ្ឋសភា​កូរ៉េ
ខាងត្បូងលោក Kang Chang Hee។ ភាគីទាំងពីរបានអះអាងការខំប្រឹងប្រែង​ជំរុញ
ទំនាក់ទំនងសហប្រតិបត្តិការដៃគូរយុទ្ធសាស្ត្ររវាងប្រទេសទាំងពីរឡើងកំពស់ថ្មី
ឆ្លើយតបនឹងការអភិវឌ្ឍន៍សន្តិភាពនិងស្ថិរភាព ក៏ដូចជាផលប្រយោជន៍របស់​ប្រជាជននៃប្រទេសទាំងពីរ។ ភាគីទាំងពីរខំប្រឹងប្រែងនាំតំលៃពាណិជ្ជកម្មទ្វេភាគី​ទទួលបានប្រមាណ៣ម៉ឺនលានដុល្លារអាមេរិកនាឆ្នាំ២០១៥ បង្កលក្ខណៈងាយ​ស្រួលសំរាប់អង្គភាពអាជីវកម្មនៃប្រទេសនីមួយៗ។ ប្រធានរដ្ឋសភាវៀតណាម
​លោក Nguyen Sinh Hung បានអះអាងថា​រដ្ឋសភាវៀតណាមត្រៀមខ្លួនជាស្រេច​សហប្រតិបត្តិការជាមួយរដ្ឋសភាកូរ៉េខាងត្បូងក្នុងការជំរុញនិងឃ្លាំមើលការអនុវត្ត
កិច្ចព្រមព្រៀងនានារវាងរដ្ឋាភិបាលនៃប្រទេសទាំងពីរ សំដៅនាំមកនូវប្រសិទ្ធភាព​សំរាប់ភាគីទាំងពីរ។ ប្រធានរដ្ឋសភា Nguyen Sinh Hung បានស្នើរថា៖

        “ខ្ញុំនិងលោក Kang Chang Hee មានកិត្តិយសចាប់ផ្ដើមឲ្យឆ្នាំដើមដំបូង​នៃ​កិច្ច​សហប្រតិបត្តិការក្នុងរយៈពេល២០ឆ្នាំខាងមុខ។ កិច្ចសហប្រតិបត្តិការកូរ៉េ​ខាង​ត្បូង-វៀតណាមនឹងនាំទំនាក់ទំនងរវាងប្រទេសទាំងពីរវៀតណាម-កូរ៉េខាងត្បូង​អភិវឌ្ឍន៍លើគ្រប់វិស័យ សក្តិសមនឹងកំរិតដៃគូយុទ្ធសាស្ត្រ។ ​យើងរួមគ្នា​ជំរុញ​អភិវឌ្ឍន៍លើគ្រប់វិស័យដោយទ្រង់ទ្រាយធំជាង កំរិតគុណភាពល្អជាងជ្រាលជ្រៅ​ជាងក្នុងរយៈពេលខាងមុខ។ ទន្ទឹមនឹងនោះ យើងរួមគ្នាគាំទ្រគ្នាមិនត្រឹមតែលើ​ឆាក​ពាណិជ្ជកម្មប៉ុណ្ណោះទេ ថែមទាំងក្នុងការសន្ទនាការទូតនិងលើឆាកអន្តរជាតិ​ទៀត​
ផង។”

        ក្រោយពិធីចរចារ​ប្រធានរដ្ឋសភាទាំងពីររូបបានចុះហត្ថលេខាលើកិច្ចព្រម​ព្រៀងសហប្រតិបត្តិការរវាងរដ្ឋសភាវៀតណាមនិងរដ្ឋសភាកូរ៉េខាងត្បូង ធ្វើ​ក្សិណ​សាក្សីពិធីចុះហត្ថលេខាលើកិច្ចព្រមព្រៀងសហប្រតិបត្តិការរវាងខុទ្ធកាល័យរដ្ឋ​សភាវៀតណាមនិងលេខាធិការដ្ឋានរដ្ឋសភាកូរ៉េខាងត្បូង។ កិច្ចព្រមព្រៀងជា​មូលដ្ឋានកត្តិយុតសំខាន់ដើម្បីជំរុញទំនាក់ទំនងសហប្រតិបត្តិការរវាងស្ថាប័ន​នីតិបញ្ញត្តិនៃប្រទេសទាំងពីរ។

        នាព្រឹកថ្ងៃទី២៣កក្កដា ប្រធានរដ្ឋសភា Nguyen Sinh Hung និងគណៈប្រតិភូ​
ជាន់​ខ្ពស់​​រដ្ឋសភាវៀតណាមបានទស្សនាសម្ព័ន្ធក្រុមហ៊ុន Kumho Asiana និង​
ទទួល​​ជួប​សន្ទនា​ថ្នាក់ដឹកនាំសម្ព័ន្ធក្រុមហ៊ុន Lotte ជាសម្ព័ន្ធក្រុមហ៊ុនមួយក្នុង​
ចំណោម​សម្ព័ន្ធ​ក្រុមហ៊ុន​ធំបំផុតរបស់កូរ៉េខាងត្បូង ក្នុងវិស័យអាកាសចរណ៍​
សំណង់​​បច្ចេកវិទ្យា​ព័ត៌មាន​និង​សេវាកម្ម។ ប្រធានរដ្ឋសភាមានបំណង់សម្ព័ន្ធ​
ក្រុមហ៊ុន Kumho Asiana និង Lotte បន្តបើកទូលាយវិនិយោគនៅវៀតណាមលើ​
គ្រប់​វិស័យ ទន្ទឹមនឹងនោះសកម្មយក​ចិត្តទុក​ដាក់បណ្ដុះបណ្ដាលធនធានមនុស្ស​ផ្ទេរប្រគល់បច្ចេកវិទ្យាសំរាប់ដៃគូវៀតណាម។ ប្រធានរដ្ឋសភាវៀតណាមលោក
Nguyen Sinh Hung បានអះអាងថា រដ្ឋសភា​វៀតណាម​នឹងរួមជាមួយ​រដ្ឋាភិបាល​
វៀតណាម បន្តខំប្រឹងប្រែងបង្កើតបរិយាកាស​អាជីវកម្ម​ងាយស្រួល សំរាប់
អង្គភាព​អាជីវកម្ម​កូរ៉េខាងត្បូងក្នុងនោះមានសម្ព័ន្ធក្រុមហ៊ុន Kumho Asiana និង
Lotte ធ្វើ​សកម្មភាពនៅវៀតណាម។

        តាមកម្មវិធី នារសៀលថ្ងៃទី២៣កក្កដា ប្រធានរដ្ឋសភាវៀតណាមលោក
Nguyen Sinh Hung នឹងមកជួបសម្ដែងការគួសមប្រធានាធិបតីកូរ៉េខាងត្បូង​លោក​
ស្រី Park Geun Hye៕