ប្រធានរដ្ឋសភាវៀតណាមលោក Vuong Dinh Hue អញ្ជើញជួបសវនាការជាមួយប្រធានាធិបតីហ្វាំងឡង់លោក Dauli Niinisto។ (រូបថត៖ VOV)

ថ្នាក់ដឹកនាំទាំងពីរបានសម្ដែងក្ដីសប្បាយរីករាយដោយវាយតម្លៃថា ទំនាក់ទំនងមិត្ត ភាពប្រពៃណីនិងកិច្ចសហប្រតិបត្តិការរវាងប្រទេសទាំងពីរមានការអភិវឌ្ឍជាវិជ្ជមាន ក្នុងពេលកន្លងមក ហើយឯកភាពថាចាំបាច់ត្រូវរៀបចំសកម្មភាពជាក់ស្ដែងឆ្ពោះទៅការ អបអរសាទរខួប ៨០ ឆ្នាំទិវាបង្កើតទំនាក់ទំនងការទូត (២៥ មករា ១៩៧៣ - ២៥ មករា ២០២៣)។

លោកប្រធានរដ្ឋសភា Vuong Dinh Hue បានសម្ដែងគោលបំណងថា ហ្វាំងឡង់ នឹងចែករំលែកបទពិសោធន៍ សហប្រតិបត្តិការជាមួយវៀតណាមក្នុងវិស័យផ្លាស់ប្ដូរ ឌីជីថល នវានុវត្តភាព ការអភិវឌ្ឍប្រកបដោយចីរភាព ការទប់ទល់នឹងបម្រែបម្រួល អាកាសធាតុ ព្រមទាំងបង្កលក្ខណៈងាយស្រួលសម្រាប់សហគមន៍ជនវៀតណាមដែល រស់នៅនិងធ្វើការប្រកបដោយស្ថិរភាពនៅហ្វាំងឡង់ផងដែរ។លោកប្រធានរដ្ឋសភា Vuong Dinh Hue អះអាងថា កិច្ចព្រមព្រៀងពាណិជ្ជកម្មសេរីវៀតណាម-EU បន្ទាប់ពី បានអនុម័តនិងចូលជាធរមានអស់រយៈពេលជាង១ឆ្នាំកន្លងមក កំពុងត្រូវបានអនុវត្តន៍ ប្រកបដោយប្រសិទ្ធភាព នាំមកនូវផលប្រយោជន៍ជូនភាគីទាំងពីរ។ ក្នុងពេលជាមួយ គ្នានោះ កិច្ចព្រមព្រៀង EVIPA ក៏កំពុងត្រូវបានសភាសមាជិក EU ពិនិត្យមើលនិង អនុម័តផងដែរ។ ដោយឈរលើស្មារតីនោះ លោកប្រធានរដ្ឋសភា Vuong Dinh Hue បានស្នើឲ្យលោកប្រធានាធិបតីហ្វាំងឡង់គាំទ្រ ដាស់តឿនឲ្យសភាសាមីអនុម័តលើកិច្ច ព្រមព្រៀង EVIPA ក្នុងពេលឆាប់ៗ ហើយប្រទេសទាំងពីរគួរតែមានការបោះជំហានដ៏ ជាក់លាក់ដើម្បីទាញយកប្រយោជន៍ជាអតិបរមានូវឱកាសនិងប្រៀបខ្លាំងដែលកិច្ចព្រមព្រៀងទាំងនេះនាំមកជូន។ ភាគីទាំងពីរក៏បានសង្កត់ធ្ងន់ដែរថា វៀតណាមនិង ហ្វាំងឡង់បានចែករំលែកប្រវត្តិសាស្ត្រស្នេហាសន្តិភាព ហើយឯកភាពគ្នាយ៉ាងពេញ ទំហឹងលើទស្សនៈថែរក្សាសន្តិភាព ស្ថិរភាព សន្តិសុខ សុវត្ថិភាព សេរីភាពនាវាចរណ៍ អាកាសចរណ៍ ការដោះស្រាយជម្លោះដោយសន្តិវិធី ឈរលើមូលដ្ឋាននៃការគោរព ច្បាប់អន្តរជាតិ និងអនុញ្ញាអង្គការសហប្រជាជាតិស្ដីពីច្បាប់សមុទ្រឆ្នាំ១៩៨២ផងដែរ៕