សកម្មភាពផលិតកម្មនៅក្រុមហ៊ុន Phuc Yen ។ រូបថត (ឯកសារ)៖ Hoang Hung/VNA

កាលពីពេលថ្មីៗនេះ គេហទំព័រ Thaipublica.org របស់ប្រទេសថៃបានចុះផ្សាយអត្ថបទមួយដែលបានវាយតម្លៃថា វៀតណាមបានក្លាយទៅជាចំណុចភ្លឺនៃកំណើនសេដ្ឋកិច្ចក្នុងចំណោមប្រទេសអាស៊ីប៉ាស៊ីហ្វិក ហើយជាគោលដៅទាក់ទាញសម្រាប់វិនិយោគិនថៃ។ អត្ថបទបានដកស្រង់របាយការណ៍ថ្មីៗបំផុតស្តីពី "យថាទស្សន៍សេដ្ឋកិច្ចអាស៊ីប៉ាស៊ីហ្វិក" ដែលបានប្រកាសដោយមូលនិធិរូបិយវត្ថុអន្តរជាតិ (IMF) កាលពីថ្ងៃទី ២៨ ខែតុលា បានបង្ហាញពីយថាទស្សន៍កំណើនសុទិដ្ឋិនិយមរបស់វៀតណាមគឺផ្ទុយស្រឡះពីនិន្នាការកំណើនថយចុះរបស់ខឿនសេដ្ឋកិច្ចដទៃទៀតនៅអាស៊ី ជាមួយនឹងអតិផរណាទាប - ក៏ជាករណីលើកលែងចំពោះនិន្នាការរួមក្នុងតំបន់។

របាយការណ៍មួយដែលចេញផ្សាយនាពេលថ្មីៗនេះរបស់ធនាគារពិភពលោក (WB) ក៏បានបង្ហាញផងដែរថាការគ្រប់គ្រងអតិផរណាជួយវៀតណាមរក្សាស្ថិរភាពម៉ាក្រូសេដ្ឋកិច្ចក្នុងបរិបទ ដែលសេដ្ឋកិច្ចពិភពលោកមានការវិវឌ្ឍយ៉ាងស្មុគស្មាញ។ យោងតាមអត្ថបទនេះ រហូតមកដល់ពេលនេះ គោលនយោបាយរូបិយវត្ថុរបស់ធនាគាររដ្ឋវៀតណាមមានប្រសិទ្ធភាពគួរឱ្យកត់សម្គាល់។ អតិផរណាត្រូវបានរក្សានៅកម្រិតទាបជាងប្រទេសជាច្រើន។