គណៈកម្មាធិការប្រជាជនខេត្ត Thai Binh បានរៀបចំពីធីបំផុស  “សហគ្រាសប្រឡងប្រណាំងជំរុញខ្លាំងផលិតកម្ម ធ្វើអាជីវកម្ម” នៅក្រុមហ៊ុនភាគហ៊ុនអន្តរជាតិ Bao Hung (ស្រុក Vu Thu) (រូបថត៖ laodong.vn)

នេះជាសកម្មភាពប្រចាំឆ្នាំនាដើមឆ្នាំថ្មី ដោយបានបង្កើតកម្លាំងចលករសម្រាប់ជួរធុរៈជន សហគ្រាស ខិតខំប្រឹងប្រែងជំនះពុះពារលើការលំបាក ស្ដារការអភិវឌ្ឍឡើងវិញក្នុងបរិបទ ដែលជំងឺរាតត្បាតកូវីដ ១៩ មានការវិវឌ្ឍយ៉ាងស្មុគស្មាញ។

សហគ្រាសរាប់រយអង្គភាព ដែលមានទុនវិនិយោគបរទេសនៅតាមមូណ្ឌលឧស្សាហកម្មនៅខេត្ត Binh Duong បានវិលត្រឡប់មកផលិតកម្មវិញយ៉ាងសស្រាក់សស្រាំ នាដើមឆ្នាំថ្មី ក្រោយពីពិធីបុណ្យតេត ឆ្នាំខាល ចត្វាស័ក ២០២២។ ក្រុមហ៊ុន Gunzental Vietnam នៅមណ្ឌលឧស្សាហកម្ម VSIP ២ កម្មករ និងពលករចំនួន ៩៥ % បានវិលប្រឡប់មករោងចក្រ ដើម្បីធ្វើការធម្មតាវិញហើយ។

នៅទីក្រុង Da Nang គណៈកម្មាធិការបក្សទីក្រុង Da Nang បានជ្រើសរើសប្រធានបទសម្រាប់ឆ្នាំ ២០២២ គឺ "ឆ្នាំសម្របខ្លួនប្រកបដោយសុវត្ថិភាព បត់បែន គ្រប់គ្រងជំងឺរាតត្បាតប្រកបដោយប្រសិទ្ធភាព និងស្ដារ អភិវឌ្ឍន៍សេដ្ឋកិច្ច សង្គមឡើងវិញ" ដូច្នេះ ទីក្រុងបានបង្ករាល់លក្ខណៈងាយស្រួលសម្រាប់សហគ្រាសស្ដារសេដ្ឋកិច្ចឡើងវិញ ដោយធានាសុវត្ថិភាពប្រយុទ្ធប្រឆាំងជំងឺរាតត្បាត។ នាបច្ចុប្បន្ននេះ នៅទីក្រុង មានកម្មករជាង ៩៦ % បានវិលត្រឡប់មកធ្វើការវិញ ក្រោយបុណ្យតេត ហើយមានសហគ្រាសប្រមាណ ៩០% នៅតាមមណ្ឌលឧស្សាហកម្ម មណ្ឌលកែច្នៃបានប្រតិបត្តិការឡើងវិញជាមួយនឹងផលិតភាព ១០០ % ផងដែរ៕