(VOVworld)-ក្រោយរយៈពេលពីរខែបំផុសការប្រលងយល់ដឹងអំពីវៀតណាមមក រហូតមកដល់ពេលនេះ វិទ្យុសម្លេង វៀតណាម ទទួលបានអត្ថបទចូលរួមប្រលង ជា១០០ច្បាប់របស់មិត្តអ្នកស្តាប់មកពីគ្រប់ ទិសទីលើពិភពលោក។

ទិដ្ឋភាពនៃឈូងសមុទ្រ Ha Long របស់វៀតណាម

        ក្នុងបទប្រឡងនីមួយៗ មិត្តអ្នកស្តាប់បានសម្តែងនូវការយល់ដឹងចំពោះទឹកដី
មនុស្សវៀតណាម​ ព្រមទាំងបង្ហាញនូវការរៀបចំ ឯកសារប្រឡងដ៏ល្អិតល្អន់។ ពី
ខេត្ត Hebei ចិន មិត្តអ្នកស្តាប់ Shan Jin Hai បាន ចែករំលែកថា “ពេលចូលរួម ម្តងៗ ការប្រលងសុទ្ធតែបានបន្សល់ទុកមក នូវចំណះដឹងនិងអនុស្សាវរីយ៍ដ៏ជ្រាលជ្រៅ។ ដើម្បីបំពេញឲ្យបានគ្រប់ជ្រុងជ្រោយអត្ថបទប្រឡង ខ្ញុំ បានប្រមែប្រមូលឯកសារ យ៉ាងច្រើនហើយចងក្រង់ឡើងវិញ។ តាមរយៈនោះ ខ្ញុំបានយល់ដឹង ច្បាស់អំពីប្រ
ទេសវៀតណាម១ ទាំងខាងនយោបាយ វប្បធម៌និងប្រវត្តិសាស្រ្ត។ សូមជូនពរឲ្យ
ការប្រឡងនេះទទួលបានជោគជ័យដ៏ត្រចះត្រចង់”។

        ក្នុងបំណងជួយមិត្តអ្នកស្តាប់យល់ច្បាស់អំពីការប្រឡងនេះក៏ដូចជា រចនា
សម្ព័ន្ធ ពានរង្វាន់ វិទ្យុសម្លេងវៀតណាមបានលៃទុកនាទីមួយដោយឡែក សម្រាប់
ការប្រ ឡងនេះលើគេហទំព័រ vov.vovworld.vn។ ទន្ទឹមនឹងនោះ ជារៀងរាល់សប្តាហ៍ ក្នុងនាទីប្រអប់សំបុត្រមិត្តអ្នកស្តាប់ VOV5 នឹងឧទ្ទេសនាមអត្ថបទមួយចំនួន ទាក់ទិនដល់ការប្រឡងនេះ។

        គណៈចាត់តាំងនឹងទទួលអត្ថបទប្រឡងដល់ថ្ងៃទី៣០មិថុនាឆ្នាំ២០១៥៕