រធានរដ្ឋសភាវៀតណាម លោក Vuong Dinh Hue អញ្ជើញថ្លែងសុន្ទរកថាបិទសម័យប្រជុំ  (រូបថត៖ quochoi.vn)

ថ្លែងមតិបិទសម័យប្រជុំ ប្រធានរដ្ឋសភាវៀតណាម លោក Vuong Dinh Hue បានអះអាងថា ជោគជ័យនៃសន្និសីទនេះបានបង្ហាញថា វេទិកាសមាជិកសភាវ័យក្មេងជាសកល បន្តអះអាងនូវសារៈសំខាន់របស់សមាជិកសភាវ័យក្មេងនិយាយដោយឡែក និងយុវជននិយាយរួម ក្នុងការចូលរួមអនុវត្តគោលដៅ និង ភារកិច្ចរបស់សហភាពអន្តរសភា (IPU) និងអង្គការសហប្រជាជាតិ។ ប្រធានរដ្ឋសភា លោក Vuong Dinh Hue បានសង្កត់ធ្ងន់ថា៖ “ខ្ញុំស្នើឱ្យលេខាធិការដ្ឋាន IPU និងសភាសមាជិក IPU ផ្សព្វផ្សាយលទ្ធផលនៃសន្និសីទនេះទៅកាន់កិច្ចប្រជុំកំពូល របស់អង្គការសហប្រជាជាតិស្តីពីគោលដៅអភិវឌ្ឍន៍ប្រកបដោយចីរភាពដែលនឹងប្រព្រឹត្តទៅនាថ្ងៃទី ១៨ និង ១៩ ខែកញ្ញា នៅទីក្រុងញូវយ៉ក។ តាមនោះ លើកតម្កើងតួនាទី និងបញ្ជាក់ពីការប្តេជ្ញាចិត្ត និងសកម្មភាពរបស់ IPU និងសមាជិកសភាវ័យក្មេង ជាពិសេសក្នុងកិច្ចខិតខំប្រឹងប្រែងរួមគ្នាជាសកល ដើម្បីពន្លឿនការអនុវត្តគោលដៅអភិវឌ្ឍន៍ប្រកបដោយចីរភាព។ ខ្ញុំក៏ស្នើឲ្យ IPU និងអំពាវនាវឱ្យសភាសមាជិក IPU អនុវត្តយ៉ាងសកម្មនូវសេចក្តីថ្លែងការណ៍នៃសន្និសីទ។ ទន្ទឹមនឹងនោះ បង្កើតយន្តការសមស្រប ដើម្បីសហការ និងគាំទ្រគ្នាទៅវិញទៅមក ជាពិសេសរវាងប្រទេសអភិវឌ្ឍន៍ និងប្រទេសកំពុងអភិវឌ្ឍន៍ ក្នុងការផ្លាស់ប្តូរឌីជីថល និងនវានុវត្តន៍”។

សន្និសិទសមាជិកសភាវ័យក្មេងជាសកលលើកទី៩ បានបើកសម័យប្រជុំ នៅថ្ងៃទី១៦ ខែកញ្ញា ឆ្នាំ២០២៣ (រូបថត៖ quochoi.vn)

ពីសំណាក់ភាគី IPU លោក Duarte Pacheco ប្រធាន IPU បានអបអរសាទរចំពោះរដ្ឋសភាវៀតណាម ដែលបានរៀបចំសន្និសីទសមាជិកសភាវ័យក្មេងជាសកលលើក ទី៩ប្រកបដោយជោគជ័យ។ ប្រធាន IPU បានសង្កត់ធ្ងន់ថា យុវជនជំនាន់ក្រោយត្រូវបង្កើតការផ្លាស់ប្តូរ និងលើកកំពស់វិទ្យាសាស្ត្រសិក្សា  ចំណាយធនធានបន្ថែមទៀតសម្រាប់បច្ចេកវិទ្យា លើកកម្ពស់ជំនះដឹងអំពីឌីជីថល និងឆ្លើយតបឱ្យបានត្រឹមត្រូវដើម្បីការពារបរិស្ថាន និងសម្របខ្លួនទៅនឹងការប្រែប្រួលអាកាសធាតុ។

នៅក្នុងសម័យបិទ អង្គសន្និសីទបានអនុម័តលើសេចក្តីថ្លែងការណ៍ស្តីពី "តួនាទីរបស់យុវជនក្នុងការលើកកម្ពស់ការអនុវត្តគោលដៅអភិវឌ្ឍន៍ប្រកបដោយចីរភាព តាម រយៈការផ្លាស់ប្តូរឌីជីថល និងនវានុវត្តន៍”។ នេះជាសេចក្តីថ្លែងការណ៍ទី១  នៃសន្និសីទសមាជិកសភាវ័យក្មេងជាសកល តាមរយៈការរៀបចំចំនួន ៩ លើកមក។ ប្រការនោះបង្ហាញពីការប្តេជ្ញាចិត្ត មតិឯកភាពខ្ពស់ និងការប្តេជ្ញាចិត្តយ៉ាងមុតមាំរបស់សមាជិកសភាវ័យក្មេង IPU ក្នុងការជំរុញការអនុវត្តគោលដៅអភិវឌ្ឍន៍ប្រកបដោយចីរភាពលើវិសាលភាពសកល៕