ពិធីលៀងសាយភោជដ៏មហោឡារិក ជូនចំពោះអគ្គលេខា ប្រធានរដ្ឋចិន លោក Xi Jinping

នាយប់ថ្ងៃទី ១២ វិច្ឆិកា នៅទីក្រុងហាណូយ អគ្គលេខា បក្សកុម្មុយនិស្តវៀតណាម លោក Nguyen Phu Trong និងប្រធានរដ្ឋវៀតណាមលោក Tran Dai Quang បានរៀបចំពិធីលៀងសាយភោជដ៏មហោឡារិកជូនចំពោះអគ្គលេខា ប្រធានរដ្ឋចិន លោក Xi Jinping ក្នុងឱកាសអញ្ជើញបំពេញទស្សនកិច្ចថ្នាក់រដ្ឋនៅវៀតណាម។

អញ្ជើញថ្លែងមតិនៅទីនេះ លោក Nguyen Phu Trong បានវាយតម្លៃខ្ពស់ចំពោះអត្ថន័យនៃដំណើរទស្សនកិច្ចនៅវៀតណាមលើកនេះ គឺជាដំណើរទស្សនកិច្ចនៅបរទេសជាលើដំបូងក្រោយមហាសន្និបាតបក្សកុម្មុយនីស្តចិនលើកទី ១៩ របស់អគ្គលេខា ប្រធារដ្ឋចិនលោក Xi Jinping ហើយប្រការនេះបានបង្ហាញយ៉ាងរស់រវើកនូវការយកចិត្តទុកដាក់របស់មជ្ឈឹមបក្សកុម្មុយនិស្តចិន និងបុគ្គលលោក Xi Jinping ចំពោះការអភិវឌ្ឍន៍ទំនាក់ទំនងអ្នកជិតខាងមិត្តភាព និងកិច្ចសហប្រតិបត្តិការលើគ្រប់ជ្រុងជ្រោយ វៀតណាម - ចិន។លោក Nguyen Phu Trong បានលើកច្បាស់ថា៖

 "ការអភិវឌ្ឍន៍ប្រកបដោយស្ថិរភាពយូរអង្វែងនិងសមិទ្ធផល ក្នុងទំនាក់ទំនងរវាងបក្សទាំងពីរ ប្រទេសទាំងពីរគឺជាកត្តាមិនអាចខ្វះបានចំពោះស្ថិរភាព និងការអភិវឌ្ឍន៍នៃប្រទេសនីមួយៗ បក្សរដ្ឋនិងប្រជាជនវៀតណាមជានិច្ចកាលយកចិត្តទុកដាក់និងមានបំណងរួមជាមួយបក្សរដ្ឋនិងប្រជាជនចិនពង្រឹងចំណងមិត្តភាពជាប្រពៃណី កិច្ចសហប្រតិបត្តិការស៊ីជំរៅ និងជាក់ស្ដែង ហើយនាំទំនាក់ទំនងដៃគូសហប្រតិបត្តិការយុទ្ធសាស្ត្រលើគ្រប់ជ្រុងជ្រោយវាងបក្សទាំងពីរ រដ្ឋទាំងពីរឲ្យកាន់តែអភិវឌ្ឍន៍ប្រកបដោយស្ថិរភាពដោយឥតឈប់ឈរ។"

រីឯខ្លួនវិញ អគ្គលេខា ប្រធានរដ្ឋចិន លោក Xi Jinping បានឲ្យដឹងថា លោកមានកិច្ចចរចាប្រកបដោយប្រសិទ្ធភាពជាមួយ លោក Nguyen Phu Trong ។ ភាគីទាំងពីរក៏បានចុះហត្ថលេខាលើឯកសារ និងកិច្ចព្រមព្រៀងជាច្រើន។ លោកមានក្ដីជឿជាក់ថាទំនាក់ទំនងនៃប្រទេសទាំងពីរនឹងមានជំហានអភិវឌ្ឍន៍ដ៏ខ្លាំងក្លាថែមទៀត។

មុននេះនៅមជ្ឈមណ្ឌលសន្និសីទអន្តរជាតិ លោក Nguyen Phu Trong និងលោក Xi Jinping បានអញ្ជើញទស្សនាពិព័រណ៍រូបថតចិនក្នុងក្រសែភ្នែកសិល្យៈករថតរូបវៀតណាមផងដែរ៕