កន្លែងកើតហេតុករណីវាយប្រហារនៅ Cambrils អេស្ប៉ាញ់ (រូបថត៖ANP)

(VOVworld) - នាថ្ងៃទី១៨ សីហា ក្រសួងការបរទេសបារាំងបានបញ្ជាក់ថា ពលរដ្ឋប្រទេសនេះចំនួន២៦នាក់ស្ថិតក្នុងចំណោមជនរងរបួសក្នុងការវាយ ប្រហារភេរវកម្មនៅទីក្រុង Barcelona របស់អេស្ប៉ាញ់។ ក្នុងនោះ មនុស្សយ៉ាង ហោចណាស់ចំនួន១៧នាក់កំពុងនៅក្នុងស្ថានភាពដ៏ធ្ងន់ធ្ងរ។         ទាក់ទិនដល់ការស៊ើបអង្កេតអំពីករណីបើកបំបុករថយន្តទៅលើហ្វូងមនុស្សនៅអេស្ប៉ាញ់ វិទ្យុសម្លេង Catalonia រាយការណ៍ថា ប៉ូលីសបានឃាត់ខ្លួនជន សង្ស័យម្នាក់ទៀតដែលមានការទាក់ទិនដល់ករណីវាយប្រហារនៅទីក្រុង Barcelona។ ប៉ុន្តែ អ្នកបើកបរថយន្តនេះនៅតែលាក់ខ្លួន។

        នាថ្ងៃទី១៨ សីហា អាជ្ញាធរតំបន់ Catalonia ឲ្យដឹងថា មានការទាក់ទិនរវាង ករណីបើកបំបុករថយន្តនៅទីរួមខេត្តឆ្នេរសមុទ្រ Cambrils ជាមួយនឹងករណីបើក បំបុករថយន្តនៅទីក្រុង Barcelona ដែលកើតមានឡើងមុននោះប៉ុន្មានម៉ោង។ អ្នកដឹកនាំមន្ទីរមហាផ្ទៃរបស់ Catalonia លោក Joaquin Forn ឲ្យដឹងថា ករណីវាយ ប្រហារនៅ Cambrils កើតមានឡើងតាមរបៀបដូចគ្នាជាមួយករណីវាយប្រហារ នៅ Barcelona ហើយអះអាងថា មានការទាក់ទិនរវាងករណីទាំង២នេះ៕