លោក Kyril Whittaker។ រូបថត៖ vietnam.vnanet.vn

អ្នកស្រាវជ្រាវនយោបាយ-ប្រវត្តិសាស្ត្រវៀតណាម លោក Kyril Whittaker បានវាយតម្លៃថា សមិទ្ធិផលនយោបាយ សេដ្ឋកិច្ច សង្គម និងការទូតរបស់វៀតណាម គឺជា មូលដ្ឋានគ្រឹះ ដើម្បីនាំប្រទេសជាតិចូលទៅក្នុងយុគសម័យនៃការស្ទុះឈានទៅមុខ ដូចដែលលោកអគ្គលេខាបក្ស តូ ឡឹម បានលើកឡើងនាពេលថ្មីៗនេះ។ ថ្លែងមតិ ជាមួយអ្នកយកព័ត៌មាននៃទីភ្នាក់ងារសារព័ត៌មានវៀតណាមប្រចាំនៅទីក្រុងឡុងដ៍ លោក Kyril Whittaker បានចង្អុលបង្ហាញថា ចាប់តាំងពីចាប់ផ្តើមបុព្វហេតុផ្លាស់ប្ដូរថ្មី ក្នុងឆ្នាំ ១៩៨៦ មក ទំហំសេដ្ឋកិច្ចរបស់វៀតណាមបានកើនឡើង ៩៦ ដង។ គម្រោងអភិវឌ្ឍន៍ហេដ្ឋារចនាសម្ព័ន្ធក៏ត្រូវបានអនុវត្តន៍នៅទូទាំងប្រទេស ដែលនាំមកនូវការផ្លាស់ប្តូរនៅគ្រប់ខេត្តក្រុង។ ទន្ទឹមនឹងការអភិវឌ្ឍនេះ គឺកិច្ចខិតខំប្រឹងប្រែង ដោយឥតឈប់ឈរដើម្បីលើកកំពស់ជីវភាពរស់នៅរបស់ប្រជាជនជាមួយនឹងសមិទ្ធិផលលេចធ្លោរបស់វៀតណាមក្នុងការលុបបំបាត់ភាពអត់ឃ្លាន និងកាត់បន្ថយភាពក្រីក្រ។

លោក Whittaker បាននិយាយថា នៅប្រទេសវៀតណាម សិទ្ធិមនុស្សមិនត្រឹមតែ ត្រូវបានការពារប៉ុណ្ណោះទេ ថែមទាំងត្រូវបានអភិវឌ្ឍន៍ក្នុងកម្រិតខ្ពស់បំផុតតាមដែល អាចធ្វើទៅបានទៀតផង។ វៀតណាមក៏ធានានូវសេរីភាពខាងសាសនា និងជំនឿរបស់ ប្រជាជន ដោយមាន វត្តអារ៉ាម ព្រះវិហារ និងគ្រឹះស្ថានសាសនាជាច្រើនត្រូវបាន សាងសង់ឡើង ដូចផ្នែកមួយនៃសហគមន៍ប្រជាជន។ ការលើកកម្ពស់សិទ្ធិស្ត្រី សិទ្ធិកម្មករ និងសេរីភាពខាងជំនឿ គឺជាភស្តុតាងដែលបង្ហាញឲ្យឃើញថា វៀតណាម មិនត្រឹមតែមានច្បាប់សិទ្ធិមនុស្សរឹងមាំប៉ុណ្ណោះទេ ថែមទាំងផ្តោតលើការធានាការ អនុវត្តសិទ្ធិទាំងអស់ដែលប្រជាជនទទួលបានទៀតផង។

អ្នកប្រាជ្ញអង់គ្លេសបានអះអាងថា វៀតណាមឈានចូលយុគសម័យថ្មីជាមួយនឹង មូលដ្ឋានគ្រឹះសេដ្ឋកិច្ច-សង្គម ដែលសម្រេចបានអាស្រ័យដោយការប្រកាន់ខ្ជាប់ នូវគោលការណ៍ “រដ្ឋរបស់ប្រជាជន ដោយប្រជាជន ដើម្បីប្រជាជន” ដែលប្រជាជន ជាមជ្ឈភាព និងមានសិទ្ធិធ្វើជាម្ចាស់ប្រទេសជាតិ ជួយជំរុញការអភិវឌ្ឍមនុស្ស ប្រទេសជាតិ និងបក្ស បម្រើបុព្វហេតុកសាងសង្គមនិយម និងកុម្មុយនិស្តនិយម៕