រាជរដ្ឋាភិបាលកម្ពុជាកំណត់យកថ្ងៃទី១៩មិថុនាជាថ្ងៃកាន់ទុក្ខសម្តេចជាស៊ីម
 |
| សម្តេចជាស៊ីម |
សម្តេចនាយករដ្ឋមន្ត្រីកម្ពុជា សម្តេច ហ៊ុនសែន បានចេញសារាចរណែនាំ កំ
ណត់យកថ្ងៃទី១៩មិថុនា ជាថ្ងៃកាន់ទុក្ខសម្តេចជាស៊ីម។ សារាចរណែនាំនោះ ចេញ
កាលពីថ្ងៃទី៨មិថុនា ឆ្នាំ២០១៥។សារាចរណែនាំ ស្តីពីការប្រារព្ធពិធីកាន់ទុក្ខ សម្តេច
អគ្គមហាធម្មពោធិសាល ជាស៊ីម ប្រធានព្រឹទ្ធសភា និងជាប្រធានគណបក្សប្រជា
ជនកម្ពុជា បង្ហាញថា ក្នុងមួយជីវិតរបស់សម្តេច សម្តេចបានលះបង់កំលាំងកាយ
និងកំលាំងចិត្តក្នុងការតស៊ូរំដោះជាតិ មាតុភូមិ ពិសេសការតស៊ូរំដោះប្រទេសជាតិ
ឲ្យរួចចាកផុតពីរបបប្រល័យពូជសាសន៍ខ្មែរក្រហម នាឆ្នាំ១៩៧៩ និងបន្តចូលរួម
ដឹកនាំ កសាង និងអភិវឌ្ឍន៍ប្រទេសជាតិ ឲ្យមានការរីកចម្រើនរុងរឿងដូចបច្ចុប្បន្ន
នេះ។ សម្តេចជាស៊ីម បានទទួលមរណភាព នៅថ្ងៃទី៨ ខែមិថុនា ឆ្នាំ២០១៥ វេលា
ម៉ោង ១៥ និង ៤៥ នាទី ក្នុងជន្មាយុ ៨៣ ឆ្នាំ ដោយរោគាពាធ៕