រដ្ឋាភិបាលប្រជុំវាយតំលៃអំពីស្ថានភាពបុណ្យចូលឆ្នាំថ្មីប្រពៃណី២០១៦

          (VOV)_នារសៀលថ្ងៃទី១៥ កុម្ភះ នៅទីក្រុងហាណូយ ឧបនាយករដ្ឋមន្ត្រី​វៀតណាម លោក​ Nguyen Xuan Phuc បានអញ្ជើញជាអធិបតី​កិច្ចប្រជុំ​រដ្ឋាភិបាល ដើម្បីវាយតំលៃរួមអំពីស្ថានភាពបុណ្យចូលឆ្នាំវកអដ្ឋស័ក និងអនុវត្តភារកិច្ចសំខាន់ជាបន្ត។ ថ្លែងមតិនៅទីនេះ ឧបនាយករដ្ឋមន្ត្រី លោក Nguyen Xuan Phuc បានវាយតំលៃខ្ពស់ចំពោះការងារដែលទទួលបាន របស់បណ្ដា​ក្រសួង ស្ថាប័ន និងតំបន់ ក្នុងឱកាសបុណ្យចូលឆ្នាំថ្មីកន្លងទៅ ពិសេសគឺការ​អនុវត្តយ៉ាងម៉ត់ចត់តាមសេចក្ដីបញ្ជាណែនាំរបស់រដ្ឋាភិបាល នាយករដ្ឋមន្ត្រី ​ជួយឧបត្ថម្ភប្រជាជនទទួលបុណ្យចូលឆ្នាំថ្មីប្រកបដោយសុវត្ថិភាព សប្បាយរីក​រាយ។ ឧបនាយករដ្ឋមន្ត្រី លោក Nguyen Xuan Phuc ក៏បានស្នើអោយគ្រប់​ក្រសួង ស្ថាប័ន និងតំបន់បន្តអនុវត្តរាល់សេចក្ដីបញ្ជាណែនាំរបស់រដ្ឋាភិបាល ​នាយករដ្ឋមន្ត្រី កសាងកម្មវិធីធ្វើសកម្មភាពជាក់ស្ដែង ខំប្រឹងប្រែងទទួលបាន​គោលដៅដែលបានដាក់ចេញ៕