នេះជាដំណើរទស្សនកិច្ចទៅក្រៅប្រទេសលើកដំបូងរបស់លោក Stephane Sejourne ក្នុងនាមជារដ្ឋមន្ត្រីការបរទេសបារាំង។ ដំណើរទស្សនកិច្ចនេះ ត្រូវបានធ្វើឡើងក្នុងបរិបទដែលអ៊ុយក្រែន និងបណ្តាប្រទេសលោកខាងលិច រួមទាំងសហរដ្ឋអាមេរិក ចក្រភពអង់គ្លេស និងបណ្តាប្រទេសសហភាពអឺរ៉ុប (EU) កំពុងស្វែងរកការបង្កើនជំនួយយោធាដល់ទីក្រុងគៀវ។

រដ្ឋមន្ត្រីការបរទេសថ្មីរបស់បារាំង លោក Stephane Sejourne ក្នុងសន្និសីទកាសែតរួមគ្នាជាមួយសមភាគីអ៊ុយក្រែនលោក Dmytro Kuleba ក្នុងទីក្រុង គៀវ នាថ្ងៃទី ១៣ ខែមករា ឆ្នាំ ២០២៤ ។ រូបថត៖ AFP/TTXVN

ថ្លែងនៅក្នុងសន្និសីទសារព័ត៌មានរួមក្នុងរដ្ឋធានីគៀវ ជាមួយរដ្ឋមន្ត្រីការបរទេសអ៊ុយក្រែន លោក Dmytro Kuleba លោក Sejourne បានបញ្ជាក់ថា អ៊ុយក្រែននឹងនៅតែជាអាទិភាពរបស់ប្រទេសបារាំង ទោះបីជាមានការលំបាកនាពេលខាងមុខក៏ដោយ។ ប្រមុខការទូតបារាំងបានឲ្យដឹងថា លោកនឹងខិតខំប្រឹងប្រែងដើម្បីជម្នះបញ្ហាផ្លូវច្បាប់ ដើម្បីជួយដល់ក្រុមហ៊ុនបារាំងក្នុងការបង្កើតកន្លែងផលិតអាវុធបន្ថែមទៀតនៅអ៊ុយក្រែន។

ចំណែកឯរដ្ឋមន្ត្រីការបរទេសអ៊ុយក្រែនលោក Kuleba បានប្រកាសថា ភាគីទាំងពីរបានពិភាក្សាអំពីការផ្តល់ប្រព័ន្ធសព្វាវុធ មីស៊ីល និងយន្តហោះគ្មានមនុស្សបើកបន្ថែមដល់អ៊ុយក្រែន។ លោកក៏បានអំពាវនាវឱ្យមានការគាំទ្របន្ថែមទៀតពីប្រទេសបារាំង និងបណ្តាប្រទេសនៅអឺរ៉ុបផងដែរ៕