ប្រធានាធិបតីទួរគី លោក Tayyip Erdogan និងសមភាគីរុស្ស៊ីលោក Vladimir Putin នៅប្រទេសកាហ្សាក់ស្ថាន ថ្ងៃទី ១៣ ខែតុលា ឆ្នាំ ២០២២។ (រូបថត៖ Reuters)

កាលពីថ្ងៃទី ១៩ ខែតុលា ប្រធានាធិបតីទួរគី លោក Tayyip Erdogan បានឲ្យដឹង ថា លោកបានឯកភាពជាមួយសមភាគីរុស្ស៊ីលោក Vladimir Putin លើការបង្កើតមជ្ឈ មណ្ឌលឧស្ម័នមួយនៅក្នុងប្រទេសទួរគី។ ថ្លែងទៅកាន់សមាជិកសភា លោកប្រធានាធិបតី Erdogan បានប្រកាសថា មេដឹកនាំរុស្ស៊ីបានបញ្ជាក់ថា អឺរ៉ុបអាចទទួលបាន ឧស្ម័នពីមជ្ឈមណ្ឌលខាងលើ។

ក្នុងពេលជាមួយគ្នានោះ មេដឹកនាំនៃប្រទេសសមាជិកទាំង ២៧ នៃសហភាព អឺរ៉ុប (EU) នឹងចូលរួមកិច្ចប្រជុំកំពូលចាប់ពីថ្ងៃទី ២០-២១ ខែតុលា នៅទីក្រុង ប្រ៊ុចសែល ប្រទេសបែលហ្សិក។ មុននោះ នៅឯកិច្ចប្រជុំកំពូលក្រៅផ្លូវការដែលធ្វើឡើងកាលពីថ្ងៃទី៧ ខែតុលា នៅទីក្រុង ប្រាក សាធារណរដ្ឋឆែក មេដឹកនាំសហ ភាពអឺរ៉ុបបានពិភាក្សាអំពីវិបត្តិរុស្ស៊ី-អ៊ុយក្រែន ក៏ដូចជាផលប៉ះពាល់ដល់វិបត្តិថាមពល និងសេដ្ឋកិច្ចនៅអឺរ៉ុប៕