(VOV)_នាថ្ងៃទី១០ កក្កដា​ ក្នុងសន្និសីទកាសែតសាមញ្ញរបស់ក្រសួង​ការបរ ទេសវៀតណាម ឆ្លើយសំនួរអំពីបណ្ដាវិធានការការពារអ្នកនេសាទ​វៀតណាមចំនួន ៦នាក់នៅលើនាវា Qng 94912 TS ដែលត្រូវចិន​ចាប់ឃុំ​ខ្លួន​នាថ្ងៃទី៣ កក្កដាមក  អ្នកនាំពាក្យក្រសួងការបរទេសវៀតណាម លោក Le Hai Binh បានអះអាងថា៖ 
ក្រោយពី​ទទួលបានព័ត៍មានអំពីបញ្ហានេះ ​ក្រសួងការបរទេសវៀតណាម  បាន បញ្ជាណែនាំស្ថានទូត ក៏ដូចជាបណ្ដាស្ថាប័នការបរទេសផ្សេងៗរបស់វៀតណាម
នៅចិន អនុវត្តគ្រប់វិធានការ​ដើម្បីការពារប្រជាពលរដ្ឋ ក៏ដូចជាដោះស្រាយបាន
បញ្ហានេះ៖

          “ តាមព័ត៍មានថ្មីបំផុតពីអគ្គស្ថានកុងស៊ូលវៀតណាមប្រចាំនៅ​ Guǎngzhōu នាព្រឹកថ្ងៃទី១០ កក្កដា ថា៖សុខភាពរបស់បណ្ដាអ្នក​នេសាទ​នៅស្ថិរភាព។ នា
បច្ចុប្បន្ន  អគ្គស្ថានកុងស៊ូល Guǎngzhōu ក៏ដូចជាស្ថាប័ន​ទាក់ទិននានា កំពុង រួមសហការយ៉ាងជិតស្និទ្ធជាមួយភាគីចិន ដើម្បីដោះស្រាយបញ្ហានេះ។”

អ្នកនាំពាក្យក្រសួងការបរទេសវៀតណាម លោក Le Hai Binh

          ឆ្លើយសំនួរអំពីការដែលនាពេលថ្មីៗនេះ ជនជ្រុលនិយមមួយ​ចំនួននៅកម្ពុជា  បានធ្វើបាតុកម្មនៅមុខស្ថានទូតវៀតណាមប្រចាំនៅ​កម្ពុជា លោក Le Hai Binh បានលើកច្បាស់ថា៖ នេះគឺជាសកម្មភាព​ខុសឆ្គង ​បង្កអស្ថិរភាពសណ្ដាប់ ធ្នាប់ នៅកម្ពុជា មិនសមស្របទៅនឹង​ទំនាក់ទំនងជិតខាងមិត្តភាព ប្រពៃណី សហប្រតិ បត្តិការដ៏ល្អប្រសើរវាង​ប្រទេសទាំងពីរវៀតណាមនិងកម្ពុជា។វៀតណាមស្នើរដ្ឋ
អំណាចកម្ពុជាអោយ​មានបណ្ដា​វិធានការគតិយុត្តិដើម្បីរាំងស្កាត់អំពើខុសឆ្គងនេះ៕