ក្រុមប្រឹក្សាសន្តិសុខអង្គការសហប្រជាជាតិ បានបើកកិច្ចប្រជុំជាសាធារណៈតាមប្រព័ន្ធវីដេអូស្តីពីស្ថានភាពប្រទេសស៊ូដង់

នាថ្ងៃទី ៩ ខែមីនា ក្រុមប្រឹក្សាសន្តិសុខនៃអង្គការសហប្រជាជាតិ បាន បើកកិច្ចប្រជុំជាសាធារណៈ តាមប្រព័ន្ធវីដេអូស្តីពីស្ថានភាពប្រទេស ស៊ូដង់និងសកម្មភាពរបស់ក្រុមបេសកកម្មទទួលបន្ទុកការផ្តល់ជំនួយផ្នែកអន្តរកាលបង្រួបបង្រួមរបស់អង្គការសហប្រជាជាតិនៅក្នុងប្រទេសនេះ (UNITAMS)។

អញ្ជើញថ្លែងមតិ នៅឯសម័យប្រជុំនេះ លោកឯកអគ្គរដ្ឋទូត Dang Dinh Quy ប្រធានស្ថានបេសក កម្មវៀតណាមប្រចាំនៅអង្គការសហប្រជាជាតិ មានបំណងចង់ឲ្យរដ្ឋាភិបាលអន្តរកាលនិងភាគីពាក់ព័ន្ធនានានៅស៊ូដង់ បន្តអនុវត្តយ៉ាងពេញលេញនូវកិច្ចព្រមព្រៀងសន្តិភាពដែលបានចុះហត្ថលេខាកាលពីថ្ងៃទី ០៣ ខែតុលា ឆ្នាំ ២០២១ ដើម្បីរួមចំណែកក្នុងការកសាងសន្តិភាពនិងស្ថេរភាពយូរអង្វែងនៅក្នុងប្រទេសនេះ។ លោកឯកអគ្គរដ្ឋទូត ក៏បានអំពាវនាវឱ្យប្រទេស      ស៊ូដង់ឲ្យបង្កើនកិច្ចខិតខំប្រឹងប្រែងរបស់ខ្លួន ដើម្បីការពារជនស៊ីវិលនិងដោះស្រាយដល់ឬសគល់នៃបញ្ហាអំពើហឹង្សារវាងសហគមន៍នានា ក្នុងនោះមានវិធានការណ៍បង្កើនការកសាងជំនឿទុកចិត្ត និងការផ្សះផ្សាគ្នាផងដែរ៕