លោក  Zhiang Rong Meng សមាជិកនៃក្រុមអ្នកជំនាញនៃគណៈកម្មាធិការសុខាភិបាល និងសុខភាពជាតិចិន  (រូបថត៖ CCTV)

ទន្ទឹមនឹងនេះ បើយោងតាមទិន្នន័យស្ថិតិនាពេលថ្មីៗនេះ បានបង្ហាញថាករណីឆ្លងវីរុសនេះនៅចិនជាលើកដំបូងបានលើសពីចំនួន ២០,០០០ នាក់។ យោងតាមលោក  Zhiang Rong Meng សមាជិកនៃក្រុមអ្នកជំនាញនៃគណៈកម្មាធិការសុខាភិបាល និងសុខភាពជាតិចិន បានឲ្យដឹងថា ករណីដែលមានវិជ្ជាមាននឹងវីរុសកូរ៉ូណាប្រភេទថ្មី ប៉ុន្តែមិនមានរោគសញ្ញាគ្លីនិក នឹងមិនចាំបាច់ត្រូវការព្យាបាលពិសេសនោះឡើយ ប៉ុន្តែត្រូវការតាមដានដោយដាក់ដាច់ដោយឡែកផងដែរ។

លទ្ធភាពនៃការឆ្លងវីរុសរបស់អ្នកទាំងនេះគឺទាបណាស់។ យោងតាមអ្នកជំនាញរូបនេះក៏បានឱ្យដឹងទៀតថា នៅក្នុងបរិយាកាសសមស្រប វីរុសកូរ៉ូណាប្រភេទថ្មី នេះអាចរស់បានច្រើនថ្ងៃ ហើយតាមការស្រាវជ្រាវក៏បានបង្ហាញថាវីរុសនេះអាចរស់បានរហូតដល់ ៥ ថ្ងៃផងដែរ៕