សកម្មភាពជាច្រើនអបអរសាទរទិវាជនពិការ (ថ្ងៃទី១៨ ខែមេសា)
(VOVWORLD) - នាថ្ងៃទី១៧ ខែមេសា លោកស្រី Nguyen Thi Ha អនុរដ្ឋមន្ត្រីក្រសួងការងារ យុទ្ធជនពិការ និងសង្គមកិច្ចវៀតណាម បានដឹកនាំក្រុមការងាររបស់ក្រសួងនេះ មកសួរសុខទុក្ខ និងប្រគល់អំណោយជូនដល់កុមារា កុមារី ដែលកំពុងសំរាកព្យាបាល និងវះកាត់បបូមាត់ឆែប ក្រអូមមាត់នៅ មន្ទីរពេទ្យផ្ទៃមុខមជ្ឈិម (រដ្ឋធានីហាណូយ)។
 សកម្មភាពជាច្រើនអបអរសាទរទិវាជនពិការ (ថ្ងៃទី១៨ ខែមេសា) |
លោកស្រី Nguyen Thi Ha បានប្រគល់អំណោយជូនដល់កុមារ ៥៨ នាក់ ដែលកំពុង សំរាកព្យាបាលនិងវះកាត់ បបូមាត់ឆែប ក្រអូមមាត់ និងដុំពកលើផ្ទៃមុខ។ កុមារទាំងនេះមកពីខេត្ត Phu Tho, Bac Kan, Lao Cai, Dien Bien, Ha Noi ដែលត្រូវបានវះកាត់តាមកម្មវិធីដែលដោយអង្គការ Operation Smile ជួយឧបត្ថម្ភតាមរយៈ មូលនិធិគាំពារកុមារវៀតណាម។ កុមារម្នាក់ៗដែលចូលរួមកម្មវិធីនេះ ទទួលបានប្រាក់ ឧបត្ថម្ភប្រមាណ ៧,៥ លានដុង (រួមមានចំណាយលើការវះកាត់ និង មួយចំណែក សំរាប់ការធ្វើដំណើរ និងហូបចុក ជាដើម។ល។)៕