ឧបនាយករដ្ឋមន្រ្តី រដ្ឋមន្រ្តីការបរទេសវៀតណាម លោក Pham Binh Minh បានថ្លែងសុន្ទរកថានៅឯពិធីបង្ហូតទង់អាស៊ាន ២០២០ នាព្រឹកថ្ងៃទី ៧ សីហា

ថ្លែងនៅក្នុងពិធីនេះ ឧបនា យករដ្ឋមន្ត្រី រដ្ឋមន្រ្តីការបរទេសវៀតណាម លោក Pham Binh Minh បានវាយតម្លៃថា៖  ឈរលើបាវចនា “គំនិតសហគមន៍ សកម្មភាពសហគមន៍” វៀតណាមសន្យានឹងកសាងសហគមន៍អាស៊ានមួយ ដែលយកប្រជាជនជាមជ្ឈភាព និងដើម្បីប្រជាជន។ សហគមន៍អាស៊ានមួយប្រកបដោយសាមគ្គីភាព ខ្លាំងក្លានិងរឹងមាំជាកត្តាមិនអាចខ្វះបាន ចំពោះសន្តិភាពនិងវិបុលភាព នៅក្នុងតំបន់នៅលើពិភពលោក។

មុននេះ នាថ្ងៃទី ៧ សីហា តាមម៉ោងតំបន់ ស្ថានទូតវៀតណាមនៅអាហ្វ្រិកខាងត្បូងបានរៀបចំពិធីបង្ហូតទង់អាស៊ាន ដើម្បីអបអរសាទរខួបលើកទី ៥៣ នៃថ្ងៃបង្កើតប្លុក។ ថ្លែងក្នុងពិធីនេះ ឯកអគ្គរដ្ឋទូតវៀតណាមប្រចាំនៅអាហ្វ្រិកខាងត្បូងលោក Hoang Van Loi បានសង្កត់ធ្ងន់ថា ក្នុងនាមជាប្រធានអាស៊ាន ២០២០ វៀតណាមកំពុងខិតខំប្រឹងប្រែងដឹកនាំប្លុកនេះផង និងឆ្លៀតយកឱកាសផង រួមទាំងឆ្លើយតបដោយមានប្រសិទ្ធិភាពជាមួយនឹងបញ្ហាប្រឈមនានា ឈរលើស្មារតីនៃភាពស្អិតរមួតនិងការឆ្លើយតបផង។

នាថ្ងៃដដែលនោះ ស្ថានទូតនៃបណ្តាប្រទេសអាស៊ានប្រចាំទីក្រុងការ៉ាកាសនៃប្រទេសវេណេស៊ុយអេឡាក៏បានប្រារព្វខួប ៥៣ ឆ្នាំនៃការបង្កើតអាស៊ានផងដែរ។ ក្នុងឱកាសនេះ ស្ថានទូតនៃបណ្តាប្រទេសអាស៊ានបានប្រគល់សំភារៈវេជ្ជសាស្ត្រដល់អនុរដ្ឋមន្រ្តីក្រសួងការបរទេស Rubén Molina ដើម្បីចែករំលែកនូវការលំបាកមួយចំនួនជាមួយវេណេស៊ុយអេឡា ក្នុងការប្រយុទ្ធប្រឆាំងនឹងជំងឺរាតត្បាត កូវីដ ១៩៕