ប្រតិភូស្លៀកពាក់អាវផាយដើម្បីបានចូលរួមការជិះកង់ទទូលជ្រោមជ្រែងកម្មវិធី។ រូបថត៖ VOV

នេះគឺជាសកម្មភាពដើម្បីអបអរសាទរខួបលើកទី ៧៨ នៃបដិវត្តន៍ខែសីហា និងទិវាបុណ្យឯករាជ្យជាតិទី ២ ខែកញ្ញា ហើយក៏ជាសកម្មភាពបើកហាណូយសម្រាប់ព្រឹត្តិការណ៍ជាបន្តបន្ទាប់ក្នុងក្របខ័ណ្ឌនៃ កម្មវិធី “មហោស្រពអាវផាយទេសចរណ៍ហាណូយឆ្នាំ ២០២៣”។

មុននោះ កាលពីយប់ថ្ងៃទី ៣១ ខែសីហា នៅស្រុក Than Uyen ខេត្ត Lai Chau បានរៀបចំពិធីបើកកម្មវិធីសិល្បៈអបអរសាទរទិវាបុណ្យឯករាជ្យជាតិ មហោស្រពវប្បធម៌និងកីឡានៃសប្តាហ៍ជនជាតិភាគតិច វប្បធម៌ និងទេសចរណ៍ឆ្នាំ២០២៣។ព្រឹត្តិការណ៍នេះបានប្រព្រឹត្តទៅរយៈពេល ៤ ថ្ងៃ (ចាប់ពីថ្ងៃទី ៣១ ខែសីហា ដល់ថ្ងៃទី ៣ ខែកញ្ញា) ដោយមានសកម្មភាពជាច្រើនដូចជា៖ ការប្រគុំតន្ត្រីប្រជាប្រិយរបស់ជនជាតិ Mong; ដម្តែងឡើងវិញពិធីបុណ្យ "អបអរសាទរអង្ករថ្មី" របស់ជនជាតិ Kho Mu ពិធីបុណ្យ Kin Pang របស់ជនជាតិថៃ; ការប្រណាំងទូក និងល្បែងប្រជាប្រិយជាដើម។

ពិធីបើកកម្មវិធីសិល្បៈអបអរសាទរទិវាបុណ្យឯករាជ្យជាតិ មហោស្រពវប្បធម៌និងកីឡានៃសប្តាហ៍ជនជាតិភាគតិច វប្បធម៌ និងទេសចរណ៍ឆ្នាំ២០២៣។ រូបថត៖ TTXVN

នៅខេត្ត Ben Tre នាយប់ថ្ងៃទី៣១ សីហា មន្ទីរវប្បធម៌ កីឡា និងទេសចរណ៍ខេត្តបានរៀបចំកម្មវិធីសិល្បៈពិសេសក្រោមប្រធានបទ "អណ្តាតភ្លើងបំភ្លឺផ្លូវ" ដើម្បីពូនជ្រុំមោទនភាពចំពោះប្រពៃណីស្នេហាជាតិ; អះអាងនូវគុណតម្លៃដ៏អស្ចារ្យនៃវប្បធម៌និងសិល្បៈក្នុងដំណើរដ៏រុងរឿងនៃបដិវត្តន៍វៀតណាម៕