នាយករដ្ឋមន្ត្រីទាំងពីររូបក្នុងសន្និសីទកាសែត

(VOVworld)-ទទួលសេចក្តីអញ្ជើញរបស់នាយករដ្ឋមន្ត្រីរដ្ឋាភិបាលវៀតណាម
 លោកNguyen Xuan Phuc នាយករដ្ឋមន្ត្រីសាធារណរដ្ឋស្លូវ៉ាគីលោក Robert Fico
បានអញ្ជើញមកបំពេញទស្សនកិច្ចជាផ្លូវការនៅវៀតណាមចាប់ពីថ្ងៃទី១៦ដល់ថ្ងៃ
ទី១៩កក្កដាឆ្នាំ២០១៦។​ក្នុងក្របខ័ណ្ឌនៃដំណើរទស្សនកិច្ចនេះ នាយក រដ្ឋមន្ត្រី
Robert Ficoបានជួបចរចារជាមួយនាយករដ្ឋមន្ត្រីលោក Nguyen Xuan Phuc ជួប
សម្តែងការគួរសមអគ្គលេខាបក្សកុម្មុយនិស្តវៀតណាម លោក Nguyen Phu Trong 
 ប្រធានរដ្ឋលោក Tran Dai Quang និងប្រធានរដ្ឋសភា លោកស្រី Nguyen Thi Kim
 Ngan ព្រមទាំងចូលរួមវេទិកាអង្គភាពអាជីវកម្មវៀតណាម-ស្លូ វ៉ាគី ជួបប្រាស្រ័យ
ជាមួយសមាគមមិត្តភាពវៀតណាម-ស្លូវ៉ាគីនិងទស្សនាទីក្រុង Da Nang។ នៅបណ្តា
ជំនួបជាមួយថ្នាក់ដឹកនាំវៀតណាមនោះ ភាគីទាំងពីរបាន វាយតម្លៃខ្ពស់ចំពោះរាល់
ការអភិវឌ្ឍន៍យ៉ាងសកម្មនៃទំនាក់ទំនងប្រពៃណីរវាង វៀតណាមជាមួយស្លូវ៉ាគី។​
ភាគីទាំងពីរបានឯកភាពគ្នា បង្កលក្ខណៈងាយស្រួល សម្រាប់គ្នាទៅវិញទៅមកក្នុង
ការស្វែងរកទីផ្សារ ស្វែងរកឱកាសវិនិយោគ ធ្វើអាជី វកម្មលើវិស័យដែលជាប្រៀប
ខ្លាំងរបស់ប្រទេសនីមួយៗ។ ភាគីទាំងពីរបានឯក ភាព បង្កើនការផ្លាស់ប្តូរនិងគាំទ្រ
គ្នាទៅវិញទៅមកលើបណ្តាបញ្ហាអន្តរជាតិនិង តំបន់ដែលមានការយកចិត្តទុកដាក់
ដូចគ្នា និងសន្យារក្សាសន្តិភាព ជម្រុញសន្តិ សុខនាវាចរណ៍ សេរីភាពនាវាចរណ៍និង
អាកាសចរណ៍នៅសមុទ្រខាងកើត។ ភាគីទាំងពីរក៏បានឯកភាពដោះស្រាយជម្លោះ
ដែនដី ដែនសមុទ្រដោយសន្តិវិធី គោរពច្បាប់អន្តរជាតិរួមទាំងអនុសញ្ញាអង្គការ
សហប្រជាជាតិស្តីពីច្បាប់សមុទ្រ ឆ្នាំ១៩៨២។​ឈរលើមូលដ្ឋាននៃទំនាក់ទំនងមិត្ត
ភាពប្រពៃណីយ៉ាងល្អប្រសើរ រវាងប្រទេសទាំងពីរនោះ ស្លូវ៉ាគីក្នុងនាមជាសមាជិក
សកម្មរបស់សហភាពអឺរ៉ុប (EU) នឹងត្រៀមខ្លួនជាស្រេចគាំទ្រ និងជម្រុញទំនាក់ទំនង
លើគ្រប់វិស័យរវាងវៀត ណាមជាមួយ EU ក្នុងនោះមានការអនុម័តនិងអនុវត្តពេញ
លេញនូវកិច្ចព្រម ព្រៀងពាណិជ្ជកម្មសេរីវៀតណាម-EU (EVFTA)ផងដែរ៕