សាធារណរដ្ឋឆែកតែងតាំងឡើងវិញកុងស៊ុលកិត្តិយសនៅយេរូសាឡឹម
(VOVWORLD) -ទីភ្នាក់ងារសារព័ត៌មាន CTK នៃសាធារណរដ្ឋឆែក នាថ្ងៃទី ២៩ ឧសភាបានឲ្យដឹងថា៖ ប្រទេសខ្លួនបានតែងតាំងលោក Dan Propper ពាណិជ្ជករមួយរូប វ័យ ៧៩ ឆ្នាំ ជាជនជាតិអ៊ីស្រាអែល ដើមកំណើតឆែក ធ្វើជាកុងស៊ុលកិត្តយសថ្មីនៃសារធារណរដ្ឋឆែកប្រចាំនៅយេរូសាឡឹម។
 ទិដ្ឋភាពទូទៅនៃទីក្រុងយេរូសាឡឹម |
កាយវិការនេះបានកើតឡើង បន្ទាប់ពីប្រធានាធិបតីលោក Milos Zeman បានបង្ហាញបំណងប្ដូរទីតាំងស្ថានទូតនៃសាធារណរដ្ឋឆែកប្រចាំនៅអ៊ីស្រាអែលពី Tel Aviv ទៅកាន់យេរូសាឡឹម។
មុននេះ កាលពីខែមេសាកន្លងទៅ ក្រសួងការបរទេសឆែកបានអះអាងថាPraha គោរពយ៉ាងពេញលេញកិច្ចសន្យារួមរបស់សហភាពអឺរ៉ុប (EU) អំពីការចាត់ទុកយេរូសាឡឹមគឺរដ្ឋធានីអនាគតរបស់អ៊ីស្រាអែលនិងរដ្ឋប៉ាឡេស្ទីន។ព្រមទាំងអះអាងថា៖ ការបើកស្ថានកុងស៊ុលកិត្តយសនៅយេរូសាឡឹមរបស់សារធារណរដ្ឋឆែកគឺ មិនប៉ះពាល់ដល់កិច្ចព្រមព្រៀងចុងក្រោយស្តីពីទីក្រុងនេះឡើយ៕