សន្និបាតលើកទី១១នៃគណៈកម្មាធិការមជ្ឈឹមបក្សកុម្មុយនីស្តវៀតណាមនីតិកាលទី១១ត្រូវបានប្រារព្វឡើង
(VOV)-នាព្រឹកថ្ងៃទី៤ ឧសភា សន្និបាតលើកទី១១នៃគណៈកម្មាធិការមជ្ឈឹមបក្ស
កុម្មុយនីស្តនីតិកាលទី១១ត្រូវបានប្រារព្វឡើងនៅរដ្ឋធានីហាណូយ ក្រោមអធិបតី
ភាពរបស់លោកអគ្គលេខា Nguyen Phu Trong ។ នៅសន្និបាតលើកនេះ គណៈ
កម្មាធិការមជ្ឈឹមបក្សនឹងពិភាក្សាអំពីទិសដៅការងារកម្មាភិបាលរបស់គណៈកម្មា
ធិការមជ្ឈឹមបក្ស នីតិកាលទី១២ និងការបែងចែកដំណាងនៅមហាសន្និបាតលើក
ទី១២ គំរោងការណ៍អាកាសយានដ្ឋានអន្តរជាតិ Long Thanh ការរួមមតិដល់
របាយការណ៍ស្ដីពីកិច្ចការសំខាន់ៗដែលការិយាល័យនយោបាយបានដោះស្រាយ
ក្រោយសន្និបាតមជ្ឈឹម លើកទី១០មក។
ថ្លែងមតិនៅទីនេះ លោក Nguyen Phu Trong បានលើកច្បាស់នូវបណ្ដាបញ្ហា
ដែលបានមជ្ឈឹមយកចិត្តទុកដាក់ ក្នុងដំណើការស្រាវជ្រាវ ពិភាក្សា សម្រេចចិត្ត។
ស្ដីពីទិសដៅ នៃការងារចាត់តាំងចំពោះគណៈកម្មាធិការបក្ស នីតិកាលទី១២ អគ្គ
លេខាបានសង្កត់ធ្ងន់ថា៖ នេះគឺជាភារកិច្ចដ៏សែនសំខាន់ បានជាគណៈកម្មាធិការ
មជ្ឈឹមបក្ស និងការិយាល័យនយោបាយ ត្រូវត្រៀមរៀបចំអោយបានម៉ត់ចត់ ។ នេះ
គឺជាការងារ១ដែលទាក់ទិនដល់វេសនារបស់បក្ស របស់ប្រជាជននិងការអភិវឌ្ឍន៍
របស់ប្រទេសជាតិ៖
“ ខ្ញុំស្នើសមាជិកមជ្ឈឹមបក្សម្នាក់ៗត្រូវយល់ដឹងច្បាស់នូវអត្ថន័យដ៏ធំធេង
របស់ការងារសំខាន់នេះ ត្រូវប្រមូលផ្តុំ វិភាគ ធ្វើស៊ីជំរៅថែមទៀតបណ្ដាខ្លឹមសារ។
ត្រូវយកចិត្តទុកដាក់ដល់បញ្ហាអ្វី? ដំណាក់កាលណា? ”
ស្ដីពីបញ្ហារូបសណ្ឋានរៀបចំរដ្ឋអំណាចតំបន់ លោកអគ្គលេខាបក្ស Nguyen
Phu Trong បានអះអាងថា៖ ការផ្លាស់ប្តូរថ្មី សុក្រិតរូបសណ្ឋានរដ្ឋអំណាចតំបន់ជា
បញ្ហាដើរតួនាទីដ៏សែនសំខាន់ ចំពោះបុព្វហេតុផ្លាស់ប្តូរថ្មី សុក្រិត លើកកំពស់ប្រ
សិទ្ធិភាពក្នុងសកម្មភាពរបស់នីតិរដ្ឋ សង្គមនិយមវៀតណាម។
តាមរបៀបវារះ សន្និបាតលើកទី១១នៃគណៈកម្មាធិការមជ្ឈឹមបក្សនីតិកាល
ទី១១នឹងធ្វើការដល់ថ្ងៃទី៧ ឧសភា ឆ្នាំ ២០១៥៕