រដ្ឋមន្រ្តីការបរទេសអូទ្រីសលោកស្រី Karin Kneissl និងលោកស្រី Federica Mogheriniតំណាងជាន់ខ្ពស់ទទួលបន្ទុកគោលនយោបាយសន្តិសុខ និងកិច្ចការបរទេសរបស់ EU

នាថ្ងៃទី ៣១ សីហា សន្និសីទថ្នាក់រដ្ឋមន្ត្រីការបរទេសសហភាពអឺរ៉ុប (EU) បានបិទបញ្ចប់នៅរដ្ឋធានី Vienna ប្រទេសអូទ្រីស។ ថ្លែងមតិនៅក្នុងសន្និសីទកាសែត ជាមួយរដ្ឋមន្រ្តីការបរទេសអូទ្រីសលោកស្រី Karin Kneissl នោះ លោកស្រី Federica Mogheriniតំណាងជាន់ខ្ពស់ទទួលបន្ទុកគោលនយោបាយសន្តិសុខ និងកិច្ចការបរទេសរបស់ EU បានឲ្យដឹងថា៖ បណ្ដា រដ្ឋមន្រ្តីបានសង្កត់ធ្ងន់សារជាថ្មីអំពីទស្សនៈរបស់ EU ស្ដីអំពីសារៈសំខាន់នៃដំណោះស្រាយរដ្ឋពីរ គឺជាវិធានការតែមួយគត់ ដែលអាចជួយដោះស្រាយ ជម្លោះរវាងអ៊ីស្រាអែលនិងប៉ាឡេស្ទីន។សហភាពអឺរ៉ុបបានបញ្ជាក់ថា នឹងផ្ដោតទៅលើការជួយឧបត្ថម្ភក្នុងការខិតខំប្រឹងប្រែងរបស់អង្គការសហប្រជាជាតិនិងប្រទេស
អេហ្ស៊ីបនៅតំបន់ហ្គាហ្សា។ ក្នុងក្របខ័ណ្ឌនៃសន្និសីទនេះ បណ្ដារដ្ឋមន្រ្តីការបរទេសសហភាពអឺរ៉ុបក៏បានពិភាក្សាអំពីការប្រតិបត្តិរបស់អ៊ីរ៉ង់នៅក្នុងតំបន់។ សហភាពអឺរ៉ុបបន្តគាំទ្រកិច្ចព្រមព្រៀងនុយក្លេអ៊ែរអ៊ីរ៉ង់ឬហៅថាផែនការធ្វើសកម្មភាពរួមលើគ្រប់ជ្រុងជ្រោយ JCPOA ។ សន្និសីទនេះក៏របានទទួលស្គាល់កិច្ចខិតខំប្រឹងប្រែងរួម នៃទ្វីបអឺរ៉ុបក្នុងការស្វែងរកដំណោះស្រាយជាក់ស្តែង ចែករំលែកការទទួលខុសត្រូវក្នុងការគ្រប់គ្រងជនអន្តោប្រវេសណ៍ ក៏ដូចជាសកម្មភាពស្វែងរក និងជួយសង្គ្រោះផងដែរ៕