សមាគមអ្នកនេសាទវៀតណាមបានឲ្យដឹងថា យោងតាមទំព័រព័ត៌មាននានា ចិនបានប្រកាស ថា “បទប្បញ្ញត្តិហាមឃាត់ការនេសាទនៅសមុទ្រខាងកើត ដោយវិសាលភាពនៃការហាមឃាត់ការនេសាទលាតសន្ធឹងពីតំបន់សមុទ្រខាងជើងនៃសមុទ្រខាងកើត ដល់រយៈទទឹង ១២ ខាងជើង រួមទាំងផ្នែកមួយនៃឈូងសមុទ្រខាងជើង និងប្រជុំកោះ Hoang Sa ស្ថិតក្នុងអធិបតេយ្យភាពរបស់វៀតណាម ហើយមានប្រសិទ្ធិភាពចាប់ពីថ្ងៃទី ១ ខែឧសភាឆ្នាំ ២០២០ ដល់ថ្ងៃទី ១៦ ខែសីហាឆ្នាំ ២០២០ ។

សមាគមអ្នកនេសាទវៀតណាមបានសង្កត់ធ្ងន់ថា បទប្បញ្ញត្តិនេះរំលោភអធិបតេយ្យភាពចំពោះប្រជុំកោះ Hoang Sa និងតំបន់សមុទ្រមួយចំនួនរបស់វៀតណាម។ ម្យ៉ាងវិញទៀត រំលោភលើសិទ្ធិនិងផលប្រយោជន៍ស្របច្បាប់ រួមទាំងរារាំងការនេសាទត្រីរបស់អ្នកនេសាទវៀតណាម ដែលរំលោភលើច្បាប់អន្ដរជាតិ  ក្នុងនោះមានអនុសញ្ញាអង្គការសហប្រជាជាតិស្តីពីច្បាប់សមុទ្រ ១៩៨២ និងឯកសារច្បាប់អន្តរជាតិពាក់ព័ន្ធ។

សមាគមន៍អ្នកនេសាទវៀតណាមប្រឆាំងជំទាស់យ៉ាងដាច់អហង្ការនឹងទង្វើមិនសមហេតុផលរបស់ចិន។ បទប្បញ្ញត្តិនេះ គឺគ្មានតម្លៃខាងគតិយុត្តិ សម្រាប់តំបន់សមុទ្រដែលជាអធិបតេយ្យភាពរបស់វៀតណាមឡើយ។ ហេតុដូច្នេះ អ្នកនេសាទវៀតណាមមានសិទ្ធិពេញលេញក្នុងការនេសាទក្នុងតំបន់សមុទ្រចំណុះអធិបតេយ្យភាពរបស់វៀតណាម៕