សម្តេចប៉ាប Francis (រូបថត៖ AFP/TTXVN)

នាថ្ងៃទី ១ ខែមករា នៅឯព្រះវិហារ Saint Peter នៅចំពោះមុខសាសនិកកាតុលីក សម្តេចប៉ាប Francis បានអញ្ជើញអានសារជូនពរឆ្នាំថ្មី ២០២០ ដោយអំពាវនាវឱ្យបញ្ឈប់ការធ្វើទុក្ខបុកម្នេញ និងអំពើហឹង្សាខាងស្មារតីនិងរាងកាយទៅលើស្ត្រី។ សម្តេចប៉ាបក៏បានការពារសិទ្ធិធ្វើចំណាកស្រុករបស់ស្ត្រី ដើម្បីស្វែងរកអនាគតដ៏ល្អប្រសើរសម្រាប់កូនៗ របស់ពួកគេ ព្រមទាំងថ្កោលទោសអ្នកដែលគ្រាន់តែគិតតែពីកំណើនសេដ្ឋកិច្ចជា ជាងសុភមង្គលរបស់អ្នកដទៃផងដែរ។ លើសពីនេះទៀត សម្តេចប៉ាបក៏បានអំពាវនាវឱ្យគោរពនិងលើកតម្កើងចំពោះការមេត្តាធម៌និងការត្រៀមខ្លួនលះបង់ដើម្បីកូនៗរបស់ស្ត្រីផងដែរ៕