សេវ៉ាកម្មកុងស៊ុលប្រចាំនៅ អាមេរិកបានតភ្ជាប់ឡើងវិញជាបណ្តោះអាសន្នដល់ថ្ងៃទី ១៧ កុម្ភៈ ឆ្នាំ ២០១៤ (Image: Vietnam+)

(VOVworld) – នាថ្ងៃទី​៩ ធ្នូ ការិយាល័យតំណាងសិទ្ធិផលប្រយោជន៍របស់គុយបា ប្រចាំនៅវ៉ាស៊ីងតោន (អាមេរិក) បានប្រកាសថា៖ សេវ៉ាកម្មកុងស៊ុលប្រចាំនៅ អាមេរិកបានតភ្ជាប់ឡើងវិញជាបណ្តោះអាសន្នដល់ថ្ងៃទី ១៧ កុម្ភៈ ឆ្នាំ ២០១៤ ក្រោយពីធនាគារអាមេរិក M&T យល់ព្រមអូសបន្លាយសកម្មភាពគណនីរបស់
ស្ថាប័ននេះ។ នាបច្ចុប្បន្ន ការិយាល័យតំណាងសិទ្ធិផលប្រយោជន៍របស់
គុយបាប្រចានៅវ៉ាស៊ីងតោនកំពុងខំប្រឹងប្រែងស្វែករកធនាគារផ្សេងទៀតដែល
នឹងយល់ព្រមឲ្យបើកគណនីថ្មី។ ដល់ពេលនោះ បណ្ដាសកម្មភាពរបស់ស្ថាន
កុងស៊ុលនឹងត្រូវបានតភ្ជាប់ទាំងស្រុង។ មុននោះ ស្ថាប័ននេះបានបញ្ឈប់
សកម្មភាព នាថ្ងៃទី ២៦ វិច្ឆិកា ដោយសារ ធនាគារ M&T បានផ្អាកផ្តល់​សេវ៉ាកម្មសំរាប់ស្ថាប័នការទូតរបស់គុយបាប្រចាំនៅអាមេរិក ក្នុងពេលដែល ធនាគារផ្សេងៗទៀតមិនអនុញ្ញាត្តឲ្យគុយបាបើកគណនីដោយការហ៊ុំព័ទ្ធ
សេដ្ឋកិច្ចរបស់អាមេរិកចំពោះប្រទេសនេះ៕