អគ្គលេខាបក្សលោក Nguyen Phu Trong បានស្នើថា នាពេលខាងមុខ កងទ័ពទាំងមូលគួរតែសកម្មជាង  បង្កើនសមត្ថភាពស្រាវជ្រាវ និងព្យាករណ៍ ព្រមទាំងអនុវត្តមុខងារពិគ្រោះយោបល់យុទ្ធសាស្ត្រជូនបក្ស រដ្ឋ លើវិស័យយោធា និងការពារជាតិ (រូបថត៖ VOV)

ថ្លែងមតិក្នុងសន្និសីទនេះ អគ្គលេខាគណៈកម្មាធិការមជ្ឈិមបក្សកុម្មុយនិស្តវៀត ណាម លោក Nguyen Phu Trong លេខាគណៈកម្មាធិការយោធាមជ្ឈិម បានស្នើថា នាពេលខាងមុខ កងទ័ពទាំងមូលត្រូវមានសកម្មភាពដោយម្ចាស់ការ ឆ្លើយតបនិងលើកកំពស់សមត្ថភាពស្រាវជ្រាវ ព្យាករណ៍ និងអនុវត្តបានល្អនូវមុខងារសេនាធិការជូនបក្សនិងរដ្ឋ វិស័យយោធា និងការពារជាតិ; ផ្តោតលើការផ្តល់ប្រឹក្សា មានភាពបត់បែន និងមានប្រសិទ្ធភាពក្នុងការដោះស្រាយទំនាក់ទំនងអន្តរជាតិ។ លើសពីនេះ ត្រូវជ្រួតជ្រាប និងក្តាប់ឲ្យបានស៊ីជម្រៅថែមទៀត លើការអនុវត្តមាគ៌ាការពារជាតិប្រជាជន និងការពារមាតុភូមិ ក្នុងស្ថានភាពថ្មី; លើកកម្ពស់ប្រសិទ្ធភាពនៃការគ្រប់គ្រងរដ្ឋ ការពារជាតិលើគ្រប់កម្រិត។

“អនុវត្តយ៉ាងម៉ឺងម៉ាត់ ត្រឹមត្រូវនិងប្រកបដោយប្រសិទ្ធភាពនូវសេចក្តីសម្រេចចិត្តរបស់ការិយាល័យនយោបាយ ស្តីពីការរៀបចំកងទ័ពប្រជាជនវៀតណាម ដំណាក់កាល ២០២១-២០៣០។ នេះជាបញ្ហាធំនិងសំខាន់ណាស់ ទាក់ទងនឹងការងារមនោគមវិជ្ជា និងការងារគោលនយោបាយ។ ដំណើរការអនុវត្តត្រូវតែតឹងរឹង ម៉ឺងម៉ាត់ ខ្ជាប់ខ្ជួន ជាមួយនឹងដំណើរការជាក់ស្តែង ជំហានសមស្រប មិនបរានុម័តទាល់តែសោះ។ទន្ទឹមជាមួយគ្នានោះ លើកកម្ពស់តួនាទី និងទំនួលខុសត្រូវរបស់ភ្នាក់ងារ និងអង្គភាពឲ្យបានល្អ រួមបញ្ចូលគ្នាយ៉ាងជិតស្និទ្ធនូវការងារមនោគមវិជ្ជាជាមួយការងារគោលនយោបាយ។ អនុវត្ត និងធ្វើសមកាលកម្មបង្កើតបទប្បញ្ញត្តិស្តីពីមុខងារ និងភារកិច្ច ដោយធានាថា គ្រប់ទិដ្ឋភាពនៃប្រតិបត្តិការរបស់អង្គភាពត្រូវបានកែសម្រួលដោយរលូន និងមានប្រសិទ្ធភាព។ កងទ័ពទាំងមូលត្រូវតែរក្សាស្ថិរភាព; កម្លាំងប្រយុទ្ធត្រូវតែខ្លាំងជាងមុន បំពេញតាមតម្រូវការបេសកកម្មក្នុងស្ថានភាពថ្មី”។

អគ្គលេខាបក្ស លោក Nguyen Phu Trong អញ្ជើញចូលរួម ដឹកនាំសន្និសីទនយោបាយយោធាទូទាំងប្រទេស ឆ្នាំ   ២០២២ (រូបថត៖ VOV)

នៅឆ្នាំ ២០២៣ គណៈកម្មាធិការយោធាមជ្ឈិម និងក្រសួងការពារប្រទេសបានផ្តោតលើការដាក់ពង្រាយក្រុមភារកិច្ចចំនួន ៩។ ក្នុងចំណោមនោះ លេចធ្លោបំផុតគឺការម្ចាស់ការក្នុងការស្រាវជ្រាវ  ព្យាករណ៍ និងផ្តល់យោបល់អំពីយុទ្ធសាស្ត្រជាមួយបក្ស និងរដ្ឋ អំពីកិច្ចការ និងវិធានការទប់ទល់ ដើម្បីដោះស្រាយស្ថានការណ៍យោធា និងការពារប្រកបដោយជោគជ័យ។ ជាមួយគ្នានោះ ផ្តល់សេនាធិការប្រកបដោយគុណភាពលើការបូកសរុប សេចក្តីសម្រេចចិត្តរបស់គណៈកម្មាធិការមជ្ឈិមទី ៨ នៃអាណត្តិទី ១១ ស្តីពីយុទ្ធសាស្ត្រការពារមាតុភូមិក្នុងស្ថានភាពថ្មី; បន្តកសាង និងអនុវត្តគោលនយោបាយការពារជាតិជាមួយសេដ្ឋកិច្ច សង្គម៕