ទិដ្ឋភាពនៃកិច្ចប្រជុំ

អង្គប្រជុំបានពិភាក្សាអំពីស្ថានកាណ៍ឆ្លើយតបនឹងជំងឺរាតត្បាតកូវីដ ១៩ នៅក្នុងតំបន់ និងនៅលើពិភពលោក ដោយបានសង្កត់ធ្ងន់ទៅលើការទទួលវ៉ាក់សាំងដោយសមភាព។ អង្គការសហប្រជាជាតិបានសម្តែងការគាំទ្រចំពោះគំនិតផ្តួចផ្តើមរបស់អាស៊ានដោយមានបំណងចង់ជួយឧបត្ថម្ភអាស៊ានជាច្រើនថែមទៀតក្នុងការអនុវត្តក្របខ័ណ្ឌស្តារឡើងវិញក្រោយកូវីដ ១៩ របស់អាស៊ាន ការជួយសង្គ្រោះមនុស្សធម៌ក្នុងវិបត្តិនៅមីយ៉ាន់ម៉ា ក៏ដូចជាលើវិស័យអាទិភាពដូចជា ការផ្លាស់ប្ដូរឌីជីថល ស្ត្រី សន្តិភាព និងសន្តិសុខ; ការធ្វើសកម្មភាពដើម្បីអាកាសធាតុ និង សុវត្ថិភាពបណ្តាញ អ៊ីនធឺណិតជាដើម។អង្គការសហប្រជាជាតិបានអបអរសាទរចំពោះការសន្យារបស់អាស៊ានក្នុងការដោះស្រាយជំលោះនៅសមុទ្រខាងកើតដោយសន្តិវិធី ដោយគោរព ច្បាប់អន្តរជាតិ រួមមានអនុសញ្ញាអង្គការសហប្រជាជាតិស្តីពីច្បាប់សមុទ្រផងដែរ៕