អាជ្ញាធរ​មូលដ្ឋានព្រួយ​​បារម្ភថា មាន​​មនុស្ស​ជាង​៣០០​នាក់​បាន​ស្លាប់​ក្នុងការរអិលបាក់ដី​នៅ​​ប្រទេស​ប៉ាពួញូហ្គីណេ

(VOVWORLD) - នាថ្ងៃទី ២៥ ខែឧសភា ក្រុមជួយសង្គ្រោះបានទៅដល់កន្លែងកើតមានការរអិលបាក់ដីដ៏ធំនៅតំបន់ខ្ពង់រាបដាច់ស្រយាលនៃប្រទេសប៉ាពួញូហ្គីណេ ហើយបានជួយអ្នកភូមិស្វែងរកមនុស្សរាប់រយនាក់ដែលជឿថាបានស្លាប់នៅក្រោមគំនរបាក់បែក និងភក់ដែលមានកំពស់ជាច្រើនម៉ែត្រ។

គ្រោះមហន្តរាយនេះបានកើតឡើងនៅក្នុងភូមិ Kaokalam ក្រុង Porgera ក្នុងខេត្ត Enga ចម្ងាយប្រហែល ៦០០ គីឡូម៉ែត្រនៅភាគពាយព្យនៃរដ្ឋធានី Port Moresby ។ ការរអិលបាក់ដីបានកើតឡើងនៅវេលាម៉ោង៣ទៀបភ្លឺថ្ងៃទី២៤ ឧសភា(ម៉ោងនៅក្នុងតំបន់)។ មេដឹកនាំសហគមន៍លោក Mark Ipuia ភ័យខ្លាចថា អ្នកភូមិជាង ៣០០ នាក់ត្រូវបានកប់។ ចំនួននេះគឺខ្ពស់ជាង ៣ ដងបើធៀបនឹងព័ត៌មានបឋម។

អាជ្ញាធរ​មូលដ្ឋានព្រួយ​​បារម្ភថា មាន​​មនុស្ស​ជាង​៣០០​នាក់​បាន​ស្លាប់​ក្នុងការរអិលបាក់ដី​នៅ​​ប្រទេស​ប៉ាពួញូហ្គីណេ - ảnh 1កន្លែងកើតហេតុនៃការរអិលបាក់ដីនៅភូមិ Kaokalam ក្រុង Porgera ក្នុងខេត្ត Enga ប្រទេស Papua New Guinea។ រូបថត៖ រ៉យទ័រ

មន្ត្រីអង្គការសហប្រជាជាតិប្រចាំនៅរដ្ឋធានី Port Moresby លោក Serhan Aktoprak បានឲ្យដឹងថា រហូតមកដល់ពេលនេះ មានតែសាកសពចំនួន ៤ ប៉ុណ្ណោះដែលត្រូវបានដកចេញពីគំនរបាក់បែក។ បច្ចុប្បន្ន ផ្ទះសម្បែងជាច្រើនខ្នងត្រូវបានកប់ ហើយក្រុមជួយសង្គ្រោះមិនអាចទៅដល់បានទេ។ លើសពីនេះ ថ្ម និងដីនៅតែផ្លាស់ទី ដែលបង្កគ្រោះថ្នាក់ដល់សកម្មភាពជួយសង្គ្រោះ។

តំបន់កើតមានការបាក់ដីគឺស្ថិតនៅខាងត្បូងនៃអេក្វាទ័រ ជាកន្លែងដែលតែងតែទទួលរងនូវភ្លៀងធ្លាក់ខ្លាំង។ កាលពីខែមីនា មនុស្សយ៉ាងហោចណាស់ ២៣ នាក់ក៏បានស្លាប់ដោយការរអិលបាក់ដីនៅក្នុងខេត្តជិតខាងផងដែរ៕

ប្រតិកម្មទៅវិញ

ផ្សេងៗ