អនុប្រធានសម្ព័ន្ធក្រុមហ៊ុន Piaggio លោក Matteo Colaninno (រូបថត៖ TTXVN)

នេះជាព្រឹត្តិការណ៍មួយក្នុងចំណោមសកម្មភាពសំដៅរំលឹកខួបអនុស្សាវរីយ៍លើកទី៤៥ទិវាបង្កើតទំនាក់ទំនងការទូតរវាងប្រទេសទាំងពីរ (ថ្ងៃទី២៣ មីនា ឆ្នាំ១៩៧៣ - ថ្ងៃទី២៣ មីនា ឆ្នាំ២០១៨)។ 

               នៅសិក្ខាសាលានេះ បណ្ដាតំណាងបានវាយតំលៃខ្ពស់អំពីខឿនសេដ្ឋកិច្ច វៀតណាម ក៏ដូចជាពិភាក្សាអំពីឱកាសវិនិយោគ សហការធ្វើអាជីវកម្មរវាងសហគ្រាសនៃប្រទេសទាំងពីរ ក៏ដូចជារបៀបវិនិយោគដោយចីរភាពនៅវៀតណាមផងដែរ។ អនុប្រធានសម្ព័ន្ធក្រុមហ៊ុន Piaggio លោក Matteo Colaninno បានចែករំលែកជាមួយតំណាងសហគ្រាសអ៊ីតាលីផ្សេងៗ អំពីបទពិសោធន៍ក៏ដូចជាជោគជ័យរបស់ Piaggio ក្នុងដំណើរការធ្វើសកម្មភាពនៅវៀតណាម។ លោក Colaninno ឲ្យដឹងថា កាលពីឆ្នាំ២០០៨ ដោយមានការបង្កលក្ខណៈងាយស្រួលរបស់រដ្ឋអំណាចវៀតណាម បែបបទចាំបាច់ទាំងអស់សំរាប់សកម្មភាពផលិតកម្មរបស់ Piaggio បានដោះស្រាយយ៉ាងឆាប់រហ័ស។ ហើយដល់ឆ្នាំ២០០៩ ផលិតផលរបស់សម្ព័ន្ធក្រុមហ៊ុននេះនៅវៀតណាម បាននាំចេញទៅកាន់ប្រទេសផ្សេងៗ៕