នាយករដ្ឋមន្ត្រីអ៊ីស្រាអែលលោក Benjamin Netanyahu

កងទ័ពជើងទឹកបរទេសតែងតែជ្រើសរើសយកកំពង់ផែ Haifa នៅភាគខាង ជើងប្រទេសអ៊ីស្រាអែលជាកន្លែងចុះចតល្អមួយដោយបានចាត់ទុកថាការដែល នាវា USS Ross របស់អាមេរិក មកចតនៅកំពង់ផែ Ashdod  បានបញ្ជាក់ពី លទ្ធភាពរបស់ទីក្រុងវ៉ាស៊ីនតោនកំពុងយកចិត្តទុកដាក់លើការពង្រីកទីតាំងចុះ ចតសំរាប់ក្រុមកងនាវាចម្បាំងលេខ៦ នៅតំបន់មេឌីទែរ៉ាណេ ។

ថ្លែងមតិនៅលើនាវា USS Ross អមឯកអគ្គរដ្ឋទូតអាមេរិកប្រចាំនៅអ៊ីស្រាអែល នាយករដ្ឋមន្ត្រីអ៊ីស្រាអែលលោក Benjamin Netanyahu បានអះអាងថាដំណើរ ទស្សនកិច្ចរបស់នាវាចម្បាំង USS Ross មានអត្ថន័យដ៏ធំធេងនិងជានិមិត្តរូប តំណាងឲ្យទំនាក់ទំនងសម្ព័ន្ធមិត្តយ៉ាងជ្រាលជ្រៅរវាង អ៊ីស្រាអែលនិងអាមេរិក។ ក្នុងពេលនោះអ្នកនាំពាក្យក្រុមកងនាវាចម្បាំងលេខ៦ របស់អាមេរិក លោក Kyle Raines  បានឲ្យដឹងថាដំណើរទស្សនកិច្ចមកកាន់កំពង់ផែ Ashdod របស់ នាវាចម្បាំង USS Ross មានគោលបំណងចង់ឲ្យ "ពង្រឹងទំនាក់ទំនងភាពជាដៃគូ ដ៏រឹងមាំនិងយូរអង្វែង" រវាងអាមេរិកនិង អ៊ីស្រាអែលផងដែរ៕