អាមេរិកពិចារណាវិធានការបង្កើនសម្ពាធចំពោះសាធារណរដ្ឋប្រជាធិបតេយ្យប្រជាមានិតកូរ៉េ (Getty)

(VOVworld)_ថ្លែងមតិចំពោះមជ្ឈដ្ឋានសារព័ត៌មាននាថ្ងៃទី ១៩​មេសា រដ្ឋមន្ត្រី​ការបរទេសអាមេរិកលោក Rex Tillerson បានប្រកាសថា អាមេរិក​កំពុងស្វែងរកវិធានការដើម្បីដាក់សម្ពាធចំពោះ សាធារណរដ្ឋប្រជាធិប​តេយ្យ​ប្រជាមានិតកូរ៉េ ដែលទាក់ទិនទៅនឹងកម្មវិធីនុយក្លេអ៊ែររបស់ប្រទេសនេះ ។ លោក Rex Tillerson បានលើកច្បាស់ថា វ៉ាស៊ីនតោនកំពុងពិចារណា​លើគ្រប់​វិធានការ ក្នុងនោះមានការដាក់បញ្ចូល​សាធារណរដ្ឋ​ប្រជាធិប​តេយ្យ​ប្រជាមានិត​កូរ៉េក្នុងបញ្ជីក្រុមប្រទេសគាំពារភេរវកម្មសំដៅដាក់សម្ពាធ ដើម្បី​ព្យុងយ៉ាង​សន្យាឡើងវិញជាមួយវ៉ាស៊ីនតោន​។

          នៅក្នុងព្រឹត្តិការណ៍មួយផ្សេងទៀត នាថ្ងៃដដែល ឆ្លើយសំភាសន៍​ពីមូលដ្ឋាន​​ទ័ពជើងទឹក Yokosuka នៅជប៉ុន អនុប្រធានាធិបតីអាមេរិកលោក  Mike Pence បានបដិសេធលទ្ធភាពអាមេរិកនឹងរៀបចំកិច្ចចរចារផ្ទាល់ជាមួយ សាធារណរដ្ឋប្រជាធិបតេយ្យប្រជាមានិតកូរ៉េនាពេលបច្ចុប្បន្ននេះ​។ តាមលោក Pence ថា អាទិភាពបច្ចុប្បន្ននេះ​របស់វ៉ាស៊ីនតោន​គឺបង្កើន​សម្ពាធ​ទៅលើ​ព្យុង​យ៉ាង​ និងប្រការតែមួយគត់ដែលអាមេរិកចង់បានស្ដាប់ពី​សាធារណរដ្ឋ​ប្រជាធិប​តេយ្យប្រជាមានិតកូរ៉េនោះគឺគេកំពុងបញ្ឈប់ និងលុបចោល​ទាំងស្រុង​នូវ​កម្មវិធី​កាំជ្រួចមីស៊ីលនិងអាវុធនុយក្លេអ៊ែរ។