អ.ស.ប. ព្រមានថា តំបន់ Gaza នៅទៅមាត់ជ្រោះសង្គ្រាម

ជំលោះឡើងជណ្តើរនាពេលថ្មីៗនេះរវាងអ៊ីស្រាអែលនិងចលនាឥស្លាម Hamas របស់ប៉ាឡេស្ទីនបានរុញតំបន់ Gaza ឈានទៅមាត់ជ្រោះសង្គ្រាម។ បេសកជន ពិសេស អ.ស.ប. ទទួលបន្ទុកបញ្ហាមជ្ឈឹមបូព៌ារ លោក Nickolay Mladenov បានចេញសេចក្តីព្រមានពោលខាងលើនៅសម័យប្រជុំជាបន្ទាន់នៃក្រុមប្រឹក្សាសន្តិសុខ អ.ស.ប. ស្តីពីសភាពការណ៍មជ្ឈឹមបូព៌ារនាថ្ងៃទី ៣០ ឧសភា តាមសំណូមពររបស់អាមេរិក។ សេចក្តីប្រកាសរបស់លោក Mladenov ត្រូវបាននាំចេញក្នុងកាលៈទេសៈក្រុមប្រឹក្សាសន្តិសុខ អ.ស.ប. មិនទាន់ឯកភាព គ្នាឲ្យបានអំពីដំណោះស្រាយសំរាប់ជំលោះដែលទើបនឹងផ្ទុះឡើងរវាងបណ្ដាក្រុម ប្រដាប់អាវុធប៉ាឡេស្ទីននៅតំបន់ Gaza និងអ៊ីស្រាអែលនៅឡើយទេ៕